തിരുവനന്തപുരം: പ്രശസ്ത സീരിയല് അഭിനേതാവ് കാര്ത്തിക് പ്രസാദിന് വാഹനാപകടത്തില് പരിക്ക്. സീരിയല് ഷൂട്ട് കഴിഞ്ഞുള്ള മടക്കയാത്രയില് കാല്നടയായി പോവുകയായിരുന്ന താരത്തിന്റെ വണ്ടിയില് കെഎസ്ആർടിസി ബസ് പിന്നില് നിന്ന് ഇടിക്കുകയായിരുന്നു.
തിങ്കളാഴ്ച വൈകിട്ട് ആയിരുന്നു സംഭവം. സംഭവസ്ഥലത്ത് അബോധാവസ്ഥയിലായ നടനെ നാട്ടുകാർ ചേർന്നാണ് ആശുപത്രിയില് എത്തിച്ചത്.
തലയ്ക്കും കാലിനും പൊട്ടലുണ്ടായതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയില് രണ്ട് ശസ്ത്രക്രിയകള് നടത്തുകയും . മുഖത്ത് ചെറിയ പരിക്കുകളുള്ളതിനാല് പ്ലാസ്റ്റിക് സർജറിയും ചെയ്തു. ഒപ്പം തുടർ ചികിത്സയും ശസ്ത്രക്രിയയും കോഴിക്കോട്ടെ സ്വകാര്യആശുപത്രിയില് നടത്തും. അപ്രതീക്ഷിത അപകടത്തിന്റെ ഞെട്ടലിലാണെന്നും ഇനിയും ശസ്ത്രക്രിയ ആവശ്യമായതിനാല് കോഴിക്കോട്ടേക്ക് പോവുകയാണെന്നും കാർത്തിക് പറഞ്ഞു.
കാലിന് ഗുരുതരമായി പരിക്കേറ്റതിനാല് കുറച്ചു നാളത്തേക്കെങ്കിലും മൗനരാഗത്തില് നിന്ന് മാറിനില്ക്കേണ്ടി വരുമെന്നതില് സങ്കടമുണ്ടെന്നും കാർത്തിക് വ്യക്തമാക്കി. ബൈജു എന്ന തമാശക്കാരനായ കഥാപാത്രത്തെയാണ് മൗനരാഗത്തില് കാർത്തിക് പ്രസാദ് അവതരിപ്പിക്കുന്നത്.
#Serial #actor #KarthikPrasad #injured #accident
Post a Comment