തിരുവനന്തപുരം: സിഗരറ്റ് വിലയില്‍ തട്ടിപ്പ് നടത്തിയതിന് വില്‍സ് കമ്ബനിക്കെതിരെ നിയമനടപടി സ്വീകരിക്കണമെന്ന് മന്ത്രി ജി ആർ അനിലിന്റെ നിർദ്ദേശം.
പ്രിന്റ് ചെയ്ത എംആർപിയുടെ മുകളില്‍ കൂടിയ വില പ്രിന്റ് ചെയ്ത്‌ ഒട്ടിച്ചാണ് തട്ടിപ്പ്.
ലീഗല്‍ മെട്രോളജി വകുപ്പ് സംസ്ഥാന വ്യാപകമായി പരിശോധന നടത്തിയതിനെത്തുടർന്നാണ് തട്ടിപ്പ് വിവരം പുറത്തുവന്നത്. കശ്മീർ അടക്കമുള്ള സംസ്ഥാനങ്ങളില്‍ വില്‍ക്കുന്നതിനായി നിർമ്മിച്ച സിഗററ്റുകളിലാണ് ഉയർന്ന എംആർപി ഒട്ടിക്കുന്നത്. വില്‍സ്, നേവികട്ട് സിഗരറ്റ് പായ്ക്കറ്റുകളിലാണ് ക്രമക്കേട് കണ്ടെത്തിയത്. 49 രൂപ എംആർപി ഉള്ളവയില്‍ 80 രൂപ രേഖപ്പെടുത്തിയ 51 കേസുകള്‍ രജിസ്റ്റർ ചെയ്തു. നിയമലംഘനം വില്‍സ് കമ്ബനിയുടെ അറിവോടെയല്ലെങ്കില്‍ ഉത്തരവാദികളായവരെ കണ്ടെത്തി നടപടി എടുക്കാന്‍ മന്ത്രി ജിആർ അനില്‍ നിർദ്ദേശം നല്‍കി.
Post a Comment