കണ്ണൂർ :ജനുവരി 22ന് തിങ്കളാഴ്ച ബാങ്കുകള്‍, പോസ്റ്റ് ഓഫീസുകള്‍, ബി എസ് എന്‍ എല്‍, എല്‍ ഐ സി തുടങ്ങിയ പൊതുമേഖലാ സ്ഥാപനങ്ങള്‍ ഉച്ചയ്ക്ക് 2.30 വരെ അവധിയായിരിക്കും.
അന്ന് അയോധ്യയില്‍ ശ്രീരാമ ക്ഷേത്ര പ്രാണപ്രതിഷ്ഠ നടക്കുന്ന സാഹചര്യത്തില്‍ കേന്ദ്രസര്‍കാര്‍ അവധി പ്രഖ്യാപിച്ചതിന്റെ അടിസ്ഥാനത്തിലാണ് ബാങ്കുകളും പോസ്റ്റ് ഓഫീസുകളും മറ്റ് പൊതുമേഖലാ സ്ഥാപനങ്ങള്‍ക്കും ഉച്ചവരെ അവധി നല്‍കിയിരിക്കുന്നത്. ഇതുസംബന്ധിച്ച്‌ കേന്ദ്ര ധനകാര്യമന്ത്രാലയം ഡയറക്ടര്‍ സുഷമ കിന്‍ഡോ പ്രത്യേക ഉത്തരവ് തന്നെ പുറപ്പെടുവിച്ചിട്ടുണ്ട്.
സ്റ്റേറ്റ് ബാങ്ക് ചെയര്‍മാന്‍ എംഡി സി ഇ ഒ പൊതുമേഖലാ ബാങ്കുകള്‍, ചെയര്‍മാന്‍, എം ഡി, സി ഇ ഒ, പൊതുമേഖലാ ഇന്‍ഷൂറന്‍സ് കംപനികള്‍, ചെയര്‍മാന്‍ എം ഡി, സി ഇ ഒ ധനകാര്യസ്ഥാപനങ്ങള്‍ ചെയര്‍മാന്‍ റീജിയണല്‍ റൂറല്‍ ബാങ്ക് എന്നിവര്‍ക്കാണ് 22ന് ഉച്ചയ്ക്ക് 12 മണിവരെ അവധി നല്‍കണമെന്ന് കാണിച്ച്‌ ഉത്തരവ് ഇറക്കിയിരിക്കുന്നത്. അന്നേദിവസം രാവിലെ 11.51 മുതല്‍ 12.33 വരെയുള്ള മുഹൂര്‍ത്തത്തിലാണ് പ്രതിഷ്ഠ നടക്കുന്നത്. ഈ പ്രതിഷ്ഠാ ചടങ്ങ് നടക്കുമ്ബോള്‍ വീടുകളില്‍ നടക്കുന്ന ചടങ്ങിന് പങ്കാളികളാകാന്‍ വേണ്ടിയാണ് ഉച്ചക്ക് 2.30 വരെ അവധി നല്‍കുന്നതെന്നാണ് വിശദീകരണം.
Post a Comment