പുതിയ സവിശേഷതകള്ക്കൊപ്പം പോളിസികളിലും മാറ്റം വരുത്തി വാട്ട്സ്ആപ്പ്. ആൻഡ്രോയിഡ് ഉപകരണങ്ങളിലെ ചാറ്റ് ബാക്കപ്പുമായി ബന്ധപ്പെട്ട സേവന നിബന്ധനകള് വാട്ട്സ്ആപ്പ് അപ്ഡേറ്റ് ചെയ്തു.
ഏറ്റവും പുതിയ അപ്ഡേറ്റ് അനുസരിച്ച്, Googleഡ്രൈവിലെ WhatsAp ചാറ്റ് ബാക്കപ്പുകള് ഇനി സൗജന്യമായിരിക്കില്ല. ആൻഡ്രോയിഡ് ഉപയോക്താക്കള്ക്ക് ബാക്കപ്പുകള്ക്കായി പരിധിയില്ലാത്ത സംഭരണം എന്ന സംവിധാനമാണ് കമ്ബനി മാറ്റിയിരിക്കുന്നത്.
വാട്ട്സ്ആപ്പ് ബീറ്റ ഉപയോക്താക്കള്ക്ക് ഇതിനകം തന്നെ ഇക്കാര്യം ബാധകമാണ്. അടുത്ത കുറച്ച് മാസങ്ങള്ക്കുള്ളില് സാധാരണ ഉപയോക്താക്കള്ക്കും ഇത് നടപ്പിലാക്കും. ആൻഡ്രോയിഡിലെ വാട്ട്സ്ആപ്പ് ചാറ്റ് ബാക്കപ്പുകള് ഗൂഗിളിന്റെ 15 ജിബി സ്റ്റോറേജ് പരിധിയില് ഇനി മുതല് വരും.
ഗൂഗിള് അക്കൗണ്ടുകള് അവരുടെ ഉപയോക്താക്കള്ക്ക് ഗൂഗിള് ഡ്രൈവ്, ജിമെയില്, ഗൂഗിള് ഫോട്ടോസ് എന്നിവയ്ക്കായി മൊത്തത്തില് 15 ജിബി സ്റ്റോറേജ് സ്പെയ്സ് വാഗ്ദാനം ചെയ്യുന്നു. അടുത്ത വര്ഷം ആദ്യം മുതല്, ആൻഡ്രോയിഡിലെ വാട്ട്സ്ആപ്പ് ചാറ്റ് ഹിസ്റ്ററി ബാക്കപ്പുകള് ഈ പരിധിയിലേക്കു ചേര്ക്കും.
Post a Comment