എ.ഐ ക്യാമറ സ്ഥാപിച്ചശേഷം വാഹനാപകടമരണനിരക്കില് കുറവുണ്ടായ സാഹചര്യത്തില് ഇൻഷുറൻസ് പ്രീമിയം കുറയ്ക്കുന്നകാര്യം പരിഗണിക്കാമെന്ന് ഇൻഷുറൻസ് കമ്ബനികള് സര്ക്കാരിനെ അറിയിച്ചു.
ജനറല് ഇൻഷുറൻസ് കൗണ്സില് പ്രതിനിധികളുമായി മന്ത്രി ആന്റണി രാജു നടത്തിയ ചര്ച്ചയിലാണ് തീരുമാനം. നിയമലംഘനങ്ങളില്ലാത്ത വാഹനങ്ങള്ക്കും ഇൻഷുറൻസ് പ്രീമിയത്തില് ഇളവ് നല്കണമെന്ന് സര്ക്കാര് ആവശ്യപ്പെട്ടു.
ഇൻഷുറൻസില്ലാത്തതിന് പിടിച്ചെടുക്കുന്ന വാഹനങ്ങള് സൂക്ഷിക്കാൻ ഇൻഷുറൻസ് കമ്ബനികളുമായിച്ചേര്ന്ന് സ്ഥലസൗകര്യം ഒരുക്കും. ക്രിമിനല് കേസുകളില്പെടുന്ന വാഹനങ്ങള്ക്ക് ഇൻഷുറൻസ് നിഷേധിക്കുന്നതും പരിഗണനയിലാണ്. ഇതുസംബന്ധിച്ച് തുടര്ചര്ച്ചകള് നടത്താൻ ജി.ഐ. കൗണ്സില് സെക്രട്ടറിജനറല് ഇന്ദ്രജീത് സിങ്ങുമായി ധാരണയിലായി.
ചര്ച്ചയില് മന്ത്രി ആന്റണി രാജുവിനുപുറമേ ഗതാഗത സെക്രട്ടറി ബിജു പ്രഭാകര്, ഗതാഗത കമ്മിഷണര് എസ്. ശ്രീജിത്ത്, അഡീഷണല് ഗതാഗത കമ്മിഷണര് പ്രമോജ് ശങ്കര് എന്നിവര് പങ്കെടുത്തു. ഗതാഗതനിയമങ്ങള് പാലിക്കുന്നവര്ക്ക് ഇൻഷുറൻസ് പ്രീമിയത്തില് ഇളവു നല്കുന്നതിനൊപ്പം തുടര്ച്ചയായി ലംഘിക്കുന്നവരില്നിന്ന് അധികതുക ഈടാക്കാനും സംസ്ഥാന സര്ക്കാര് ഇൻഷുറൻസ് കമ്ബനികളോട് ആവശ്യപ്പെടുമെന്ന് മുൻപ് റിപ്പോര്ട്ടുകളുണ്ടായിരുന്നു.
റോഡ് അപകടങ്ങളും മരണവും കുറഞ്ഞതുകൊണ്ട് ഇൻഷുറൻസ് കമ്ബനികള്ക്ക് വലിയ സാമ്ബത്തികനേട്ടം ഉണ്ടായെന്നാണ് സര്ക്കാര് നിഗമനം. ഓരോ വര്ഷവും ഇൻഷുറൻസ് പുതുക്കുമ്ബോള് ഗതാഗത നിയമലംഘനത്തിനുള്ള പിഴത്തുക അടച്ചെന്ന് ഉറപ്പാക്കാനും നിര്ദേശിക്കും. അപകടത്തില് പരിക്കേല്ക്കുന്നവര്ക്കുള്ള പ്രാഥമിക ചികിത്സാ ചെലവുകള് വഹിക്കാൻ ഇൻഷുറൻസ് കമ്ബനികളോട് അഭ്യര്ഥിക്കുമെന്ന് മന്ത്രി ആന്റണി രാജു അറിയിച്ചിരുന്നു.
ഇതിനുപുറമെ, നിയമലംഘനങ്ങള് പിടിക്കപ്പെട്ടിട്ടും പിഴ അടയ്ക്കാത്തവര്ക്ക് ഇൻഷുറൻസ് പുതുക്കുന്നത് നിഷേധിക്കുന്ന സംവിധാനം നടപ്പിലാക്കുന്നതിനായി കേന്ദ്ര ഉപരിതല ഗതാഗതമന്ത്രാലയം, ഇൻഷുറൻസ് കമ്ബനികള് എന്നിവയെ സമീപിക്കുമെന്ന് ഗതാഗതമന്ത്രി ആന്റണി രാജു അടുത്തിടെ അറിയിച്ചിരുന്നു. ഗതാഗതനിയമലംഘനങ്ങള് ആവര്ത്തിക്കുകയും പിഴ അടയ്ക്കാതിരിക്കുകയും ചെയ്യുന്ന വാഹനങ്ങള് സാധാരണ കരിമ്ബട്ടികയില്പ്പെടുത്തുകയാണ് ചെയ്യുക. ഇതിനൊപ്പമാകും ഇൻഷുറൻസ് പുതുക്കുന്നത് തടയാനും ഒരുങ്ങുന്നത്.
Post a Comment