കോഴിക്കോട് ദമ്പതികളുടെ മരണത്തിനിടയാക്കിയ വാഹനാപകടത്തില് രണ്ടുപേര് അറസ്റ്റില്. ബസ് ഡ്രൈവര് അഖില് കുമാറിനെയും ബസ് ഉടമ അരുണിനെയും ചേവായൂര് പൊലീസാണ് അറസ്റ്റ് ചെയ്തത്. അഖില് കുമാറിനെതിരെ മനഃപൂര്വ്വമല്ലാത്ത നരഹത്യക്കാണ് കേസെടുത്തത്. ബസ് ഉടമയ്ക്കെതിരെ പ്രേരണാകുറ്റമാണ് ചുമത്തിയത്. ഇരുവരേയും കോടതി റിമാന്ഡ് ചെയ്തു.
വാഹനാപകടത്തില് കക്കോട് സ്വദേശി ഷൈജു, ഭാര്യ ജീമ എന്നിവരാണ് മരിച്ചത്. ഇവര് സഞ്ചരിച്ച സ്കൂട്ടര് സ്വകാര്യ ബസുകള്ക്കിടയില്പ്പെട്ടാണ് ദമ്പതികള് മരിച്ചത്. ബസിന് പിന്നില് ഇടിച്ച സ്കൂട്ടറില് മറ്റൊരു ബസ് വന്നിടിക്കുകയായിരുന്നു. മലാപ്പറമ്പിന് സമീപം വെങ്ങേരിയില് വെച്ചായിരുന്നു അപകടമുണ്ടായത്. ബസ് പെട്ടെന്ന് ബ്രേക്കിട്ടപ്പോഴാണ് തൊട്ടു പിന്നിലുണ്ടായിരുന്ന സ്കൂട്ടര് ബസില് ഇടിച്ചത്.
Post a Comment