ചാത്തന്നൂർ: കെഎസ്ആർടിസിയുടെ അഭിമാനമായിരുന്ന ദീർഘദൂര സർവീസുകൾ അവസാനിപ്പിക്കുന്നു. വൻ വരുമാനം നേടികൊണ്ടിരുന്ന ഈ സർവീസുകൾ ഘട്ടംഘട്ടമായി കെ സ്വിഫ്റ്റിന് കൈമാറി കൊണ്ടിരിക്കുകയാണ്. ഇതിന്റെ ഭാഗമായി കെഎസ്ആർടിസിയുടെ ദീർഘദൂര ബുക്കിംഗ് സംവിധാനം നിർത്തലാക്കുകയാണ്.
എന്ന പുതിയ വെബ്സൈറ്റിലും enteksrtcneooprs എന്ന മൊബൈൽ ആപ്പിലേയ്ക്കുമാണ് മാറ്റിയിരിക്കുന്നത്. പഴയ കെഎസ്ആർടിസി സൈറ്റിൽ ഇനി ടിക്കറ്റ് മുൻകൂട്ടി ബുക്ക് ചെയ്യാൻ സാധിക്കില്ല.
ദീർഘകാലമായി കെഎസ്ആർടിസിക്ക് പുതിയ ബസുകൾ വാങ്ങുകയോ 2016ന് ശേഷം ജീവനക്കാരെ നിയമിക്കുകയോ ചെയ്തിരുന്നില്ല. കെ സ്വിഫ്റ്റ് എന്ന സ്വതന്ത്ര കമ്പനി രൂപീകരിച്ച ശേഷം കെഎസ് ആർടിസിയുടെ ദീർഘദൂര സർവീസുകൾ ഉൾപ്പെടെയുള്ളവയുടെ പെർമിറ്റുകൾ കെ സ്വിഫ്റ്റിന് കൈമാറി കൊണ്ടിരിക്കുകയാണ്.
പെർമിറ്റും സർവീസുകളും മാത്രമല്ല വർക്ക്ഷോപ്പ് സേവനങ്ങളും ഡീസലും കെഎസ്ആർടിസിയുടെതാണ്. കെ സ്വിഫ്റ്റിന്റെ ബസുകൾ സർവീസ് നടത്തുന്ന ദൂരത്തിന് കിലോമീറ്റർ വാടകയും കെഎസ് ആർടിസി നല്കികൊണ്ടിരിക്കയാണ്. ബസുകളുടെ നിലവാരമനുസരിച്ച് മൂന്ന് സ്റ്റേജുകളായി തിരിച്ചാണ് കിലോമീറ്റർ വാടക നിശ്ചയിച്ചിരിക്കുന്നത്.
.jpeg)
Post a Comment