തിരുവനന്തപുരം: വൈദ്യുതി പ്രതിസന്ധിക്കിടയിലും സംസ്ഥാനത്ത് ഉടൻ ലോഡ് ഷെഡ്ഡിംഗ് ഉണ്ടാവില്ല. സെപ്റ്റംബർ നാല് വരെ പുറത്തുനിന്നും വൈദ്യുതി വാങ്ങുന്നത് തുടരാൻ കെഎസ്ഇബിക്ക് നിർദേശം. മുഖ്യമന്ത്രി വിളിച്ച വൈദ്യുതിസ്ഥിതി അവലോകന യോഗത്തിലാണ് തീരുമാനം.
വൈദ്യുതി പ്രതിസന്ധി ഉണ്ടെങ്കിലും പുറത്തുനിന്നും വൈദ്യുതി വാങ്ങി പ്രതിസന്ധി മറികടക്കാനാണ് യോഗത്തിൽ തീരുമാനമായത്. പുറത്തുനിന്നും വൈദ്യുതി വാങ്ങുന്നതിനു വിളിച്ച ഹ്രസ്വകാല കരാറിനുള്ള ടെൻഡർ തുറക്കുന്ന സെപ്റ്റംബർ നാല് വരെ പുറത്തുനിന്നും വൈദ്യുതി വാങ്ങുന്നത് കെഎസ്ഇബി തുടരും.
കേന്ദ്രം നിർദേശിച്ച സ്മാർട്ട് മീറ്റർ പദ്ധതി നടപ്പാക്കേണ്ടെന്നും തീരുമാനമായി. എന്നാൽ സ്മാർട്ട് മീറ്റർ പദ്ധതി സ്വന്തം നിലയ്ക്ക് നടപ്പാക്കാൻ കെഎസ്ഇബിക്ക് നിർദേശം നൽകി.
.jpeg)
Post a Comment