കണ്ണൂരില്‍ ജനവാസകേന്ദ്രത്തോട് ചേര്‍ന്ന് നടുറോട്ടില്‍ കാട്ടാന പ്രസവിച്ചു

 

കണ്ണൂർ കീഴ്‍പ്പള്ളി പാലപ്പുഴ റോഡിൽ കാട്ടാന പ്രസവിച്ചു. രാത്രിയോടെയാണ് സംഭവം. കൂട്ടത്തിൽ ഉള്ള മറ്റ് ആനകൾ സുരക്ഷ ഒരുക്കി റോഡിൽ തമ്പടിച്ചു. ഇതോടെ ഇതുവഴിയുള്ള യാത്ര തടസ്സപ്പെട്ടു. ആറളം ഫാം കാർഷിക മേഖലയിൽ നിരവധി കാട്ടാനകൾ ഉണ്ട്. റോഡിൽ തന്നെ കാട്ടാന പ്രസവിച്ചതോടെ കീഴ്‍പ്പള്ളി- പാലപ്പുഴ റോഡ് അടച്ചിട്ടിരിക്കുകയാണ്. വനംവകുപ്പിന്റെ ആർ ടി സംഘവും ഇതിനെ നിരീക്ഷിച്ചു വരികയാണ്.