അ​മ്മ​യെ കൊ​ന്ന് മൃ​ത​ദേ​ഹം ട്രോ​ളി ബാ​ഗി​ലാ​ക്കി മകൾ, കൂടെ പിതാവിന്‍റെ ഫോട്ടോയും

 

ബം​ഗ​ളൂ​രു: അ​മ്മ​യെ കൊ​ന്ന് മൃ​ത​ദേ​ഹം ട്രോ​ളി ബാ​ഗി​ലാ​ക്കി മ​ക​ൾ. ബം​ഗ​ളൂ​രു മി​ക്കോ ലേ ​ഔ​ട്ടി​ലെ അ​പ്പാ​ർ​ട്ട്മെ​ന്‍റി​ലാ​ണ് ഞെ​ട്ടി​ക്കു​ന്ന സം​ഭ​വം. തി​ങ്ക​ളാ​ഴ്ച അ​ർ​ധ​രാ​ത്രി​യോ​ടെ കൊ​ല ന​ട​ത്തി​യ യു​വ​തി മൃ​ത​ദേ​ഹം ട്രോ​ളി ബാ​ഗി​ലാ​ക്കി പോ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങു​ക​യാ​യി​രു​ന്നു.

പ​ശ്ചി​മ​ബം​ഗാ​ൾ സ്വ​ദേ​ശി​യാ​യ സോ​നാ​ലി സെ​ൻ ആ​ണ് കൊ​ടും​ക്രൂ​ര​ത ന​ട​ത്തി​യ​ത്. 70 വയസുകാ​രി​യാ​യ ബി​വാ പോ​ൾ ആ​ണ് മ​രി​ച്ച​ത്. അ​മ്മ​യും ഭ​ർ​തൃ​മാ​താ​വും ത​മ്മി​ൽ സ്ഥി​രം വ​ഴ​ക്കു​ണ്ടാ​കാ​റു​ണ്ടാ​യി​രു​ന്നെ​ന്നും ബ​ഹ​ളം സ​ഹി​ക്കാ​ൻ വ​യ്യാ​തെ​യാ​ണ് കൊ​ല ന​ട​ത്തി​യ​തെ​ന്നും സോ​നാ​ലി മൊ​ഴി ന​ൽ​കി.

ബം​ഗ​ളൂ​രു​വി​ൽ ഫി​സി​യോ​തെ​റാ​പ്പി​സ്റ്റ് ആ​യി ജോ​ലി ചെ​യ്ത് വ​രി​ക​യാ​യി​രു​ന്നു സോനാലി. അ​മ്മ​യ്ക്കും ഭ​ർ​ത്താ​വി​നും ഓ​ട്ടി​സം ബാ​ധി​ച്ച മ​ക​നും ഭ​ർ​തൃ​മാ​താ​വി​നും ഒ​പ്പ​മാ​ണ് ഇ​വ​ർ താ​മ​സി​ച്ചി​രു​ന്ന​ത്.

തി​ങ്ക​ളാ​ഴ്ച​യും അ​മ്മ​യും ഭ​ർ​തൃ​മാ​താ​വും ത​മ്മി​ൽ വ​ഴ​ക്കു​ണ്ടാ​യി. ഇതിനിടെ അ​മ്മ ഉറ​ക്കഗുളിക ക​ഴി​ച്ച് ജീ​വ​നൊ​ടു​ക്കു​മെ​ന്ന് ഭീ​ഷ​ണി​പ്പെ​ടു​ത്തി. ഇ​ത് കേ​ട്ട് ക്ഷു​ഭി​ത​യാ​യ താ​ൻ അ​മ്മയ്ക്ക് ഉറക്കഗുളിക ന​ൽ​കിയശേഷം ഷോ​ൾ കൊ​ണ്ട് ക​ഴു​ത്തു മു​റു​ക്കി കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്ന് സോ​നാ​ലി പോലീസിനോട് പറഞ്ഞു.

അ​മ്മ​യു​ടെ മൃ​ത​ദേ​ഹ​ത്തോ​ടൊ​പ്പം ട്രോളി ബാഗിൽ പിതാവിന്‍റെ ഫ്രെ​യിം ചെ​യ്ത ഫോ​ട്ടോ കൂ​ടി വ​ച്ചാ​ണ് പോ​ലീ​സി​ൽ ഇ​വ​ർ കീ​ഴ​ട​ങ്ങി​യ​ത്. കൊലപാതകത്തിൽ മറ്റാർക്കും പങ്കില്ലെന്നും സോനാലി മൊഴി നൽകി.