തിരുവനന്തപുരം | കേരളത്തിൽ 8 വർഷത്തിനിടെ 12 ലക്ഷത്തോളം കുടുംബങ്ങൾ വീടോ ഫ്ളാറ്റോ സ്വന്തമാക്കിയെന്ന് ദേശീയ സാംപിൾ സർവേ ഓർഗനൈസേഷന്റെ സർവേ ഫലം. ഇക്കാലത്ത് രാജ്യത്തുണ്ടായ വീടുകളുടെ ശരാശരി വലുപ്പത്തിൽ സംസ്ഥാനങ്ങളിൽ മുന്നിൽ കേരളമാണ്.
കേരളത്തിൽ ഈ വീടുകളുടെ ശരാശരി വിസ്തീർണം അതായത് 970 ചതുരശ്ര അടിയാണ്. കേരളത്തിൽ ഉണ്ടാക്കിയ വീടുകളിൽ 66.5 ശതമാനവും 645 മുതൽ 1722 ചതുശ്ര അടി വരെ വിസ്തീർണം ഉള്ളതാണ്.
2014 മാർച്ച് 31-ന് ശേഷം വീടോ ഫ്ളാറ്റോ സ്വന്തമാക്കിയവരുടെ വിവര ശേഖരമാണ് ഈ സർവേയുടെ ഒരു ഘടകം. 2020- 21 വരെയുള്ള സ്ഥിതി വിരമാണ് ശേഖരിച്ചത്. പുതുതായി നിർമിച്ചതും വാങ്ങിയതും ഉൾപ്പെടെയാണിത്.
വീടുകളുടെ ശരാശരി വലുപ്പത്തിൽ കേന്ദ്രഭരണ പ്രദേശങ്ങളായ അന്തമാൻ നിക്കോബാറും, ചണ്ഡീഗഢുമാണ് മുന്നിലുള്ളത്. സംസ്ഥാനങ്ങളിൽ കേരളമാണ് മുന്നിൽ. മണിപ്പൂർ (897 ചതുരശ്ര അടി) അരുണാചൽ പ്രദേശ് (805) എന്നിവയാണ് തൊട്ട് പിന്നിൽ.
Post a Comment