പ്രക്ഷക മനസ്സിലേറി ജൂഡ് ആന്റണി ജോസഫ് ചിത്രം '2018' മുന്നോട്ട്. കേരളം നേരിട്ട മഹാപ്രളയത്തിന്റെ നേര്‍സാക്ഷ്യമായ ചിത്രം ആദ്യദിനം മുതല്‍ മികച്ച പ്രതികരണങ്ങളോടൊപ്പം പ്രേക്ഷക- നിരൂപക പ്രശംസയും ഏറ്റുവാങ്ങി മുന്നേറുകയാണ്.
ഇപ്പോഴിതാ രണ്ടാം വരത്തിലേക്ക് അടുക്കുമ്ബോള്‍ 2018 ഇതുവരെ നേടിയ ബോക്സ് ഓഫീസ് കളക്ഷന്‍ വിവരങ്ങളാണ് പുറത്തുവരുന്നത്.
റിലീസിന്റെ ഒന്‍പതാം ദിനത്തില്‍ 5 കോടിയും 18 ലക്ഷവുമാണ് ചിത്രത്തിന്റെ കളക്ഷന്‍. ആഗോള കളക്ഷന്‍ 80 കോടിയിലധികം നേടിയിരിക്കുന്നു എന്നാണ് റിപ്പോര്‍ട്ടുകള്‍. അതായാത്, ഈ രീതിയലുള്ള പ്രകടനം കാഴ്ചവച്ച്‌ ചിത്രം മുന്നോട്ട് പോകുകയാണെങ്കില്‍ രണ്ടാം വാരന്ത്യത്തിന്റെ പകുതി ആകുമ്ബോഴേക്കും 2018, 100 കോടി ക്ലബ്ബില്‍ സ്ഥാനം ഉറപ്പിക്കും. അങ്ങനെ ആണെങ്കില്‍ 'ലൂസിഫര്‍', 'പുലിമുരുകന്‍', 'കുറുപ്പ്', 'ഭീഷ്‍മപര്‍വ്വം', 'മാളികപ്പുറം' തുടങ്ങിയ ചിത്രങ്ങള്‍ക്കൊപ്പം 100 കോടി പിന്നിടുന്ന പുതിയ മലയാള സിനിമയായി '2018' മാറും എന്നാണ് ബോക്സ് ഓഫീസ് ട്രാക്കര്‍മാര്‍ പറയുന്നത്. കേരള ബോക്സ് ഓഫീസില്‍ ഇന്നലെ മാത്രം 5.15 കോടിയാണ് ചിത്രം നേടിയത്.
ജിസിസിയിലും മികച്ച പ്രകടനമാണ് ജൂഡ് ആന്റണി ചിത്രം കാഴ്ചവയ്ക്കുന്നത്. 508 ഷോകളില്‍ നിന്ന് 3.68 കോടിയാണ് ശനിയാഴ്ച ചിത്രം നേടിയതെന്നാണ് ഫ്രൈഡേ മാറ്റിനി ട്വീറ്റ് ചെയ്യുന്നത്. ഞാറാഴ്ചയായ ഇന്ന് ഇത് അഞ്ച് മില്യണ്‍ ആകുമെന്നാണ് കണക്ക് കൂട്ടല്‍. അങ്ങനെയെങ്കില്‍ വിദേശ വിപണികളില്‍ നിന്ന് അഞ്ച് മില്യണ്‍ കളക്ഷന്‍ നേടുന്ന മൂന്നാമത്തെ മലയാളം സിനിമയായി 2018 മാറും. ആദ്യസ്ഥാനത്ത് 'പുലിമുരുകനും' രണ്ടാം സ്ഥാനത്ത് 'ലൂസിഫറും' ആണ് ഉള്ളത്. ഈ വര്‍ഷം നിറഞ്ഞ സദസില്‍ ഓടിയ ഹിറ്റ് ചിത്രം 'രോമാഞ്ച'ത്തിന് പിന്നാലെയാണ് '2018'ഉം വിജയഗാഥ രചിക്കുന്നത്.
Post a Comment