കാ​ട്ടാ​ന​യു​ടെ ആ​ക്ര​മ​ണ​ത്തി​ൽ മ​രി​ച്ച എ​ബി​ന്‍റെ കു​ടും​ബ​ത്തി​നു​ള്ള സ​ഹാ​യ​ധ​നം മന്ത്രിമാർ കൈമാറി

  

ചെ​റു​പു​ഴ: ചെ​റു​പു​ഴ പ​ഞ്ചാ​യ​ത്തി​ലെ രാ​ജ​ഗി​രി​യി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട വാ​ഴ​ക്കു​ണ്ടം സ്വ​ദേ​ശി കാ​ട്ടാ​ത്ത് എ​ബി​ൻ സെ​ബാ​സ്റ്റ്യ​ന്‍റെ കു​ടും​ബ​ത്തി​ന് ആ​ദ്യ ഗ​ഡു സ​ഹാ​യ​ധ​ന​മാ​യ അ​ഞ്ചു ല​ക്ഷം രൂ​പ കൈ​മാ​റി. ഇ​രി​ട്ടി​യി​ൽ ന​ട​ന്ന വ​ന​സൗ​ഹൃ​ദ സ​ദ​സി​ൽ മ​ന്ത്രി​മാ​രാ​യ എ.​കെ. ശ​ശീ​ന്ദ്ര​ൻ, കെ. ​രാ​ധാ​കൃ​ഷ്ണ​ൻ എ​ന്നി​വ​രി​ൽ നി​ന്ന് പി​താ​വ് കാ​ട്ടാ​ത്ത് ഷാ​ജു സ​ഹാ​യ​ധ​നം ഏ​റ്റു​വാ​ങ്ങി. ചെ​റു​പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​എ​ഫ്. അ​ല​ക്സാ​ണ്ട​ർ, പ​ഞ്ചാ​യ​ത്തം​ഗ​ങ്ങ​ളാ​യ കെ.​ഡി. പ്ര​വീ​ൺ, മാ​ത്യു കാ​രി​ത്താ​ങ്ക​ൽ തു​ട​ങ്ങി​യ​വ​രും ഷാ​ജു​വി​നൊ​പ്പ​മു​ണ്ടാ​യി​രു​ന്നു.

ക​ഴി​ഞ്ഞ 12ന് ​ആ​ണ് രാ​ജ​ഗി​രി​യി​ൽ ത​ച്ചി​ലേ​ട​ത്ത് ഡാ​ർ​വി​ന്‍റെ കൃ​ഷി​യി​ട​ത്തി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ എ​ബി​ൻ കൊ​ല്ല​പ്പെ​ട്ട​ത്. എ​ബി​ന്‍റെ കു​ടും​ബ​ത്തി​നു​ള്ള സ​ഹാ​യ​ധ​നം വൈ​കു​ന്ന​തി​ൽ പ്ര​തി​ഷേ​ധ​മു​യ​ർ​ന്നി​രു​ന്നു. ക​ർ​ണാ​ട​ക വ​ന​ത്തി​ൽ നി​ന്നും വൈ​ദ്യു​തി വേ​ലി​യി​ല്ലാ​ത്ത ഭാ​ഗ​ത്ത് കൂ​ടി വ​ന്ന കാ​ട്ടാ​ന​യു​ടെ ആ​ക്ര​മ​ണ​ത്തി​ലാ​ണ് എ​ബി​ൻ കൊ​ല്ല​പ്പെ​ട്ട​ത്. ഈ ​ഭാ​ഗ​ത്തെ ത​ക​ർ​ന്ന വൈ​ദ്യു​തി വേ​ലി ന​ന്നാ​ക്ക​ണ​മെ​ന്ന് മു​റ​വി​ളി ഉ​യ​ർ​ന്നെ​ങ്കി​ലും വൈ​ദ്യു​ത വേ​ലി ന​ന്നാ​ക്കാ​ൻ അ​ധി​കൃ​ത​രു​ടെ ഭാ​ഗ​ത്ത് നി​ന്ന് നീ​ക്ക​ങ്ങ​ളൊ​ന്നു​മി​ല്ല.