കണ്ണൂര്: സംസ്ഥാനത്തു പകല് താപനില ഉയര്ന്നു തന്നെ തുടരുന്നു. കണ്ണൂര് വിമാനത്താവളത്തില് ഏറ്റവും കൂടിയ പകല് താപനിലയായ 40 ഡിഗ്രി സെല്ഷ്യസ് രേഖപ്പെടുത്തിയതായി സംസ്ഥാന ദുരന്തനിവാരണ അതോറിറ്റി അറിയിച്ചു.
ഇരിക്കൂറില് 39.8 ഡിഗ്രി സെല്ഷ്യസാണു ചൂട്. ഏറ്റവും കുറഞ്ഞ പകല് താപനില ഇടുക്കിയിലെ പീരുമേട്ടില് (30.2 ഡിഗ്രി) ആണ്. അതേസമയം, ജനുവരി മുതല് ഫെബ്രുവരി 8 വരെ സംസ്ഥാനത്ത് 41% അധിക മഴ പെയ്തതായി കാലാവസ്ഥ കേന്ദ്രം അറിയിച്ചു. ഇതില് ഏറെയും ജനുവരി യില് ആയിരുന്നു. എന്നാല്, ഫെബ്രുവരിയിലെ ആദ്യ ആഴ്ചയിലെ മാത്രം കണക്കെടുപ്പില് 46% മഴ കുറവാണ്.
Post a Comment