തിരുവനന്തപുരം: വടംവലി താരങ്ങള്ക്കിടയില്, കുറഞ്ഞ രക്തസമ്മര്ദ്ദമുള്ള ആളുകള്ക്ക് ഡോക്ടര്മാര് നിര്ദ്ദേശിക്കുന്ന മെഫന്ട്രമിന് സള്ഫേറ്റ് ഉത്തേജകമായി ഉപയോഗിക്കുന്നത് കൂടുന്നു.
390 രൂപ വിലയുള്ള മരുന്ന് 1,500 രൂപയ്ക്ക് വരെയാണ് ഏജന്റുമാര് വില്ക്കുന്നത്. തമിഴ്നാട് അതിര്ത്തി കടന്ന് മെഫന്ട്രമിന് കേരളത്തിലെത്തുന്നുണ്ടെന്നാണ് വിവരം.
ഒരേ സമയം 3,500 പേര്ക്ക് ഉപയോഗിക്കാവുന്ന മയക്കുമരുന്നുമായി വടംവലി താരത്തെ പൊലീസ് പിടികൂടിയതോടെയാണ് സോഷ്യല് മീഡിയയില് ആരാധകര് പ്രതിഷേധവുമായി രംഗത്തെത്തിയത്. ഇതേ തുടര്ന്ന് സംസ്ഥാന വടവലി അസോസിയേഷന് മരുന്ന് ഉപയോഗിക്കുന്ന ടീമുകള്ക്ക് ആജീവനാന്ത വിലക്ക് ഏര്പ്പെടുത്തുമെന്ന് പ്രഖ്യാപിച്ചു. എന്നിരുന്നാലും, മയക്കുമരുന്നിന്റെ ഉപയോഗം കണ്ടെത്താന് കോര്ട്ടുകളില് സംവിധാനമില്ല.
ശാരീരിക അധ്വാനം ആവശ്യമുള്ള ജോലികള് ചെയ്യുന്ന സാധാരണ ആളുകളിലേക്കും മരുന്നിന്റെ ഉപയോഗം വ്യാപിച്ചു. മെഫന്ട്രമിന് സള്ഫേറ്റ് മയക്കുമരുന്നുകളുടെ പട്ടികയില് ഉള്പ്പെടുത്തിയിട്ടില്ലെങ്കിലും, ഇത്തരം മരുന്നുകള് ആരോഗ്യത്തെ ദോഷകരമായി ബാധിക്കുന്നു.
Post a Comment