ന്യൂഡൽഹി: വ്യോമസേനയിൽ വനിതാ അഗ്നിവീറുകളെ ഉൾപ്പെടുത്തുമെന്ന് സേനാ മേധാവി എയർ ചീഫ് മാർഷൽ വിവേക് റാം ചൗധരി. ചണ്ഡിഗഡിൽ ഇന്ത്യൻ വ്യോമസേനയുടെ നവതി ആഘോഷത്തിന്റെ ഉദ്ഘാടന വേളയിലാണ് ഇക്കാര്യം പ്രഖ്യാപിച്ചത്.
വ്യോമസേനയിൽ കരിയർ ആരംഭിക്കാൻ ഓരോ അഗ്നിവീറും ശരിയായ വൈദഗ്ധ്യവും അറിവും നേടിയിട്ടുണ്ടെന്ന് ഉറപ്പാക്കാൻ സേനയുടെ പ്രവർത്തന പരിശീലന രീതിയിൽ കാര്യമായ മാറ്റം വരുത്തും.
ഈ വർഷം ഡിസംബറിൽ പ്രാരംഭ പരിശീലനത്തിനായി സേന 3,000 വനിതാ അഗ്നിവീറുകളെ ഉൾപ്പെടുത്തും. ഈ സംഖ്യ ഇനിയും ഉയരുമെന്നും അദ്ദേഹം പറഞ്ഞു. നവതിയുടെ നിറവിൽ ഇന്ത്യൻ വ്യോമസേനയ്ക്കു ചാരനിറത്തിലുള്ള പുതിയ യൂണിഫോം അവതരിപ്പിച്ചു. നിലവിൽ ഗ്രൗണ്ട് ഡ്യൂട്ടിക്കാകും ഈ യൂണിഫോം.
.jpeg)
Post a Comment