പാലക്കാട്: വടക്കഞ്ചേരി അപകടത്തില് മരിച്ചവരില് ദേശീയ ബാസ്കറ്റ് ബോള് താരവും ഉള്പ്പെടുന്നു.
തൃശൂര് നടത്തറ മൈനര് റോഡ് സ്വദേശി രോഹിത് രാജ് (24) ആണ് മരിച്ചത്. കെഎസ്ആര്ടിസി ബസിലെ യാത്രക്കാരനായിരുന്നു രോഹിത്.
രോഹിത് കോയമ്ബത്തൂരിലേക്ക് പോകുകയായിരുന്നുവെന്നാണ് വിവരം. രോഹിതിന്റെ മൃതദേഹം ആലത്തൂര് ആശുപത്രിയിലാണ്. ആശുപത്രിയിലെത്തിയ ബന്ധുക്കളാണ് രോഹിതിന്റെ മൃതദേഹം തിരിച്ചറിഞ്ഞത്.
വടക്കഞ്ചേരിയില് ടൂറിസ്റ്റ് ബസും കെഎസ്ആര്ടിസിയും കൂട്ടിയിടിച്ചുണ്ടായ അപകടത്തില് അഞ്ചു വിദ്യാര്ത്ഥികളും ഒരു അധ്യാപകനും മൂന്ന് കെഎസ്ആര്ടിസി യാത്രക്കാരുമാണ് മരിച്ചത്. മുളന്തുരുത്തി ബസേലിയസ് വിദ്യാനികേതന് സ്കൂളില് നിന്ന് വിനോദയാത്രയ്ക്ക് പോയ വാഹനമാണ് അപകടത്തില്പ്പെട്ടത്.
Post a Comment