ബെംഗളൂരു: കനത്ത മഴയില് ബെംഗളൂരുവിന്റെ പല ഭാഗങ്ങളും വീണ്ടും വെള്ളത്തില് മുങ്ങി. എല്ലാ പ്രധാന നഗര പ്രദേശങ്ങളിലും കനത്ത ഗതാഗതക്കുരുക്കാണ് അനുഭവപ്പെടുന്നത്.
വീടുകളും വെള്ളത്തിനടിയിലായി. ഒരാഴ്ചയ്ക്കിടെ ഇത് രണ്ടാം തവണയാണ് ബെംഗളൂരുവില് കനത്ത വെള്ളപ്പൊക്കമുണ്ടാകുന്നത്.
പ്രധാന സ്ഥലങ്ങളിലെ വീടുകളുടെ താഴ്ന്ന ഭാഗം വെള്ളത്തിനടിയിലായതോടെ ജനങ്ങള് ദുരിതത്തിലാണ്. കുട്ടികളെ സ്കൂളുകളിലേക്ക് അയയ്ക്കരുതെന്നും സുരക്ഷിതമായ സ്ഥലത്തേക്ക് മാറണമെന്നും അധികൃതര് താമസക്കാരോട് ആവശ്യപ്പെട്ടിട്ടുണ്ട്.
ഇക്കോസ്പേസ്, കെ.ആര്. മാര്ക്കറ്റ്, സില്ക്ക് ബോര്ഡ് ജംഗ്ഷന്, വര്ത്തൂര്, സര്ജാപൂര് എന്നീ ഭാഗങ്ങളെ വെള്ളപ്പൊക്കം വലിയ തോതില് ബാധിച്ചു. കെട്ടിടത്തിന് താഴെ പാര്ക്ക് ചെയ്ത വാഹനങ്ങള് വെള്ളത്തിനടിയിലായതിന്റെ ദൃശ്യങ്ങള് പുറത്തുവന്നു. കഴിഞ്ഞ ചൊവ്വാഴ്ചയും ഇതേ അവസ്ഥയായിരുന്നു ബെംഗളൂരുവിലുണ്ടായിരുന്നത്.
Post a Comment