ചരിത്ര നേട്ടവുമായി നീരജ് ചോപ്ര; ഡയമണ്ട് ലീഗില്‍ സുവർണ്ണ ത്രോ

 

ഡയമണ്ട് ലീഗില്‍ നീരജ് ചോപ്രയ്ക്ക് സ്വര്‍ണം. ഇതോടെ ഡയമണ്ട് ലീഗില്‍ സ്വര്‍ണം നേടുന്ന ആദ്യ ഇന്ത്യക്കാരന്‍ എന്ന നേട്ടവും അദ്ദേഹത്തിന് സ്വന്തം.

88.44 മീറ്റര്‍ എറിഞ്ഞാണ് നീരജ് ചോപ്ര സ്വര്‍ണം നേടിയത്.

നീരജിന്‍റെ രണ്ടാം ശ്രമത്തിലാണ് ജാവലിന്‍ 88.44 മീറ്ററിലേക്ക് കുതിച്ചത്. നീരജ് ചോപ്രയുടെ ജാവലിന്‍ തുടര്‍ന്നുള്ള നാല് ശ്രമങ്ങളില്‍ 88.00, 86.11, 87.00, 83.60 എന്നീ ദൂരങ്ങളിലാണ് എത്തിയത്. നാലാം ശ്രമത്തില്‍ 86.94 മീറ്റര്‍ എറിഞ്ഞ് ചെക്ക് റിപ്പബ്ലിക്കിന്‍റെ ജാക്കൂബ് വാഡ്ലെച്ച്‌ രണ്ടാം സ്ഥാനത്തെത്തി. ജര്‍മ്മനിയുടെ ജൂലിയന്‍ വെബര്‍ 83.73 മീറ്റര്‍ എറിഞ്ഞ് മൂന്നാം സ്ഥാനത്തെത്തി.

വെറും 13 മാസങ്ങള്‍ കൊണ്ടാണ് നീരജ് ഒളിംപിക്സിലടക്കം തന്‍റെ വ്യക്തിമുദ്ര പതിപ്പിച്ചത്. കഴിഞ്ഞ വര്‍ഷം ഓഗസ്റ്റ് 7 ന് ടോക്കിയോയില്‍ നടന്ന ഒളിമ്ബിക്സില്‍ അദ്ദേഹം സ്വര്‍ണ്ണ മെഡല്‍ നേടിയിരുന്നു.