%20(7).jpeg)
ന്യൂഡല്‍ഹി: സുരക്ഷിതവും നിയമപരവുമായ ഗര്‍ഭഛിദ്രത്തിന് എല്ലാ സ്ത്രീകള്‍ക്കും അര്‍ഹതയുണ്ടെന്ന് സുപ്രീം കോടതി.
വിവാഹിതരായ സ്ത്രീകളും അതിജീവിച്ചവരുടെ വിഭാഗത്തിന്റെ ഭാഗമാകാമെന്ന് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് പറഞ്ഞു.
ബലാത്സംഗം എന്നാല്‍ സമ്മതമില്ലാതെ ലൈംഗിക ബന്ധത്തില്‍ ഏര്‍പ്പെടുന്നതാണ്. ഇതില്‍ പങ്കാളിയുടെ അക്രമവും ഉള്‍പ്പെടും. ഈ സാഹചര്യത്തില്‍, ഒരു സ്ത്രീ ഗര്‍ഭിണിയാകാന്‍ നിര്‍ബന്ധിതയായേക്കാം. ബലാത്സംഗത്തിന്റെ അര്‍ത്ഥം എം ടി പി നിയമത്തിന്റെ (മെഡിക്കല്‍ ടെര്‍മിനേഷന്‍ ഓഫ് പ്രെഗ്‌നന്‍സി ആക്‌ട്) ആവശ്യങ്ങള്‍ക്ക് വേണ്ടി മാത്രമുള്ള വൈവാഹിക ബലാത്സംഗമാണെന്ന് മനസ്സിലാക്കണം.
നിര്‍ബന്ധിത ഗര്‍ഭധാരണത്തില്‍ നിന്ന് സ്ത്രീകളെ രക്ഷിക്കാന്‍ ഇത് പ്രധാനമാണ്. സ്ത്രീയ്ക്ക് ബലപ്രയോഗത്തിലൂടെ ഉണ്ടാകുന്ന ഏതൊരു ഗര്‍ഭധാരണവും ബലാത്സംഗമാണ് എന്നും ജസ്റ്റിസ് ചന്ദ്രചൂഡ് പറഞ്ഞു.
എം ടി പി നിയമത്തിന്റെ ആവശ്യങ്ങള്‍ക്കായി വിവാഹിതയും അവിവാഹിതയായ സ്ത്രീയും തമ്മിലുള്ള വേര്‍തിരിവ് കൃത്രിമവും ഭരണഘടനാപരമായി സുസ്ഥിരമല്ലാത്തതുമാണ്, മാത്രമല്ല ഇത് വിവാഹിതരായ സ്ത്രീകള്‍ മാത്രം ലൈംഗിക പ്രവര്‍ത്തനങ്ങളില്‍ ഏര്‍പ്പെടുമെന്ന ചിന്താഗതിയെ ഊട്ടിയുറപ്പിക്കുകയും ചെയ്യുന്നു എന്നും സുപ്രീം കോടതി വ്യക്തമാക്കി.
Post a Comment