ന്യൂഡല്ഹി: എഡ്യുടെക് ഭീമനായ ബൈജൂസിന്റെ ലാഭം കുത്തനെ ഇടിഞ്ഞു. 2021 സാമ്ബത്തിക വര്ഷത്തില് 4,588 കോടി രൂപയുടെ നഷ്ടമാണ് ബൈജൂസ് റിപ്പോര്ട്ട് ചെയ്തത്.
പ്രതിദിനം 12.5 കോടി രൂപയുടെ നഷ്ടമാണ് കമ്ബനി നേരിടുന്നത്. കമ്ബനിയുടെ വരുമാനവും കഴിഞ്ഞ വര്ഷത്തെ അപേക്ഷിച്ച് കുറഞ്ഞു. വരുമാനം 2,704 കോടി രൂപയില് നിന്ന് 2,428 കോടി രൂപയായി കുറഞ്ഞു.
2020-21 സാമ്ബത്തിക വര്ഷത്തില് ലാഭമുണ്ടാകാത്തത് ബൈജൂസിന് വലിയ തിരിച്ചടിയാണ് നല്കുന്നത്. കൊവിഡ് കാരണം ഈ കാലയളവില് സ്കൂളുകള് അടച്ചിരുന്നു. എല്ലാവരും ഓണ്ലൈന് പഠനത്തിലേക്ക് തിരിഞ്ഞ സമയത്ത് പോലും നേട്ടമുണ്ടാക്കാന് കഴിയാത്തതാണ് ബൈജൂസിന് തിരിച്ചടിയാകുന്നത്.
ഓഡിറ്റര് ഡിലോയിറ്റുമായുള്ള തര്ക്കത്തെ തുടര്ന്ന് വൈകിയാണ് ബൈജൂസിന്റെ സാമ്ബത്തിക വിശദാംശങ്ങള് പുറത്തുവന്നത്. ബൈജൂസിന്റെ ലാഭം കണക്കാക്കുന്നതില് ചില പ്രശ്നങ്ങള് ഡിലോയിറ്റ് ചൂണ്ടിക്കാണിച്ചതായി റിപ്പോര്ട്ടുണ്ട്. ഇത് കോര്പ്പറേറ്റ് കാര്യ മന്ത്രാലയത്തിന് സാമ്ബത്തിക റിപ്പോര്ട്ട് സമര്പ്പിക്കുന്നതില് കാലതാമസമുണ്ടാക്കി. എന്നാല്, 2022 സാമ്ബത്തിക വര്ഷത്തില് വരുമാനം 10,000 കോടി രൂപയിലെത്തിയതായാണ് ബൈജൂസ് പറയുന്നത്. ആ വര്ഷത്തെ ലാഭമോ നഷ്ടമോ കമ്ബനി വെളിപ്പെടുത്തിയിട്ടില്ല.
Post a Comment