ദില്ലി: സ്വാതന്ത്ര്യ ദിനാഘോഷങ്ങളുടെ ഭാഗമായുള്ള വലിയ ആള്ക്കൂട്ടങ്ങള് ഒഴിവാക്കണമെന്ന് കേന്ദ്ര ആഭ്യന്തര മന്ത്രാലയം.
സംസ്ഥാന സര്ക്കാരുകള്ക്കും കേന്ദ്രഭരണ പ്രദേശങ്ങള്ക്കുമാണ് ആഭ്യന്തര മന്ത്രാലയം ഇതു സംബന്ധിച്ച നിര്ദേശം നല്കിയത്. കൊവിഡ് മാനദണ്ഡങ്ങള് കൃത്യമായി പാലിക്കണമെന്നും കേന്ദ്രം നിര്ദേശിച്ചു.
രാജ്യത്ത് പ്രതിദിന കേസുകളുടെ എണ്ണം പതിനയ്യായിരത്തോളമായി തുടരുന്ന സാഹചര്യത്തിലാണ് ആഭ്യന്തര മന്ത്രാലയം മുന്നറിയിപ്പ് പുറപ്പെടുവിച്ചത്. ഓരോ ജില്ലയിലേയും ഒരു പ്രധാന കേന്ദ്രത്തില് സ്വച്ഛ്ഭാരത് ക്യാംപെയ്ന് സംഘടിപ്പിക്കാനും ആഭ്യന്തര മന്ത്രാലയം സംസ്ഥാനങ്ങളോടും കേന്ദ്രഭരണ പ്രദേശങ്ങളോടും നിര്ദേശിച്ചിട്ടുണ്ട്.
ഇതിനൊപ്പം രണ്ടാഴ്ച മുതല് ഒരു മാസം വരെ നീണ്ടു നില്ക്കുന്ന ക്യാംപെയിന് സംഘടിപ്പിക്കാനും നിര്ദേശം നല്കിയിട്ടുണ്ട്.
Post a Comment