തിരുവനന്തപുരം: സംസ്ഥാനത്തെ മുഴുവന് കുടുംബങ്ങള്ക്കുമുളള ഓണക്കിറ്റുകളുടെ പാക്കിംഗ് പൂര്ത്തിയായി വരുന്നതായി മന്ത്രി ജി.ആര് അനില്.
ഇത്തവണത്തെ ഓണക്കിറ്റ് വീട്ടമ്മമാരാണ് പാക്ക് ചെയ്യുന്നത് തുണിസഞ്ചി അടക്കം 14 ഉത്പന്നങ്ങള് അടങ്ങിയതാണ് ഓണക്കിറ്റ്. കഴിഞ്ഞ തവണത്തേക്കാള് മെച്ചപ്പെട്ട ഉത്പന്നങ്ങളും പാക്കിംഗുമാണ് ഇത്തവണയെന്ന് ഓണക്കിറ്റ് പാക്കിങ്ങ് നടക്കുന്ന തിരുവനന്തപുരം വഞ്ചിയൂര് സര്ക്കാര് ഹൈസ്കൂളിലെ കേന്ദ്രം സന്ദര്ശിച്ചു മന്ത്രി പറഞ്ഞു.
ഇത്തവണ കിറ്റില് വെളിച്ചെണ്ണ ഉണ്ടാവില്ല. വെളിച്ചെണ്ണ പ്രത്യേകമായി റേഷന് ഷോപ്പ് വഴി ലഭ്യമാക്കും. വെളിച്ചെണ്ണ പൊട്ടിയൊഴുകി കിറ്റ് നാശമാകാതിരിക്കാനാണിത്. ചിങ്ങം ഒന്നിന് ശേഷം കിറ്റ് കൊടുത്തു തുടങ്ങും. ആദ്യം അന്ത്യോദയ കാര്ഡുടമകള്ക്കാണ് കിറ്റ് ലഭ്യമാക്കുക. പിന്നീട് പി.എച്ച്.എച്ച് കാര്ഡ് ഉടമകള്ക്കും ശേഷം നീല, വെള്ള കാര്ഡുകാര്ക്കും ലഭിക്കും. നിശ്ചിത തീയതിക്കകം കിറ്റ് വാങ്ങാന് കഴിയാത്തവര്ക്ക് ഏറ്റവുമൊടുവില് നാല് ദിവസം കിറ്റ് വാങ്ങാന് വേണ്ടി അനുവദിക്കും. കൗണ്സിലര് രാഖി രവികുമാര്, സപ്ലൈകോ തിരുവനന്തപുരം റീജ്യനല് മാനേജര് ജലജ ജി. എസ് റാണി, ഡിപ്പോ മാനേജര് അനില്കുമാര് ജെ എന്നിവരും മന്ത്രിക്കൊപ്പമുണ്ടായിരുന്നു.
Post a Comment