കണ്ണൂരില്‍ നിന്നും പുതുച്ചേരിയിലേക്ക് സ്വിഫ്‌റ്റ്‌ ബസ്‌ ; സെപ്‌റ്റംബര്‍ മൂന്നിന് സര്‍വിസിന് തുടക്കമാവും

 

കണ്ണൂര്‍: ജില്ലയില്‍ നിന്നുംപുതുച്ചേരിയിലേക്കുള്ള സ്വിഫ്‌റ്റ്‌ ബസ്‌ സെപ്‌റ്റംബര്‍ മൂന്നിന് സര്‍വിസ് ആരംഭിക്കും. കണ്ണൂരില്‍ നിന്ന് എന്നും വൈകിട്ട് അഞ്ചിന് പുറപ്പെട്ടാല്‍ പിറ്റേന്ന് പുലര്‍ച്ചെ 6.30 ന് പുതുച്ചേരിയില്‍ എത്തും. അവിടെ നിന്നും വൈകുന്നേരം ആറിന് കണ്ണൂരിലേക്കു തിരിക്കും. പിറ്റേന്ന് പുലര്‍ച്ചെ 7.10 ന് കണ്ണൂരിലെത്തും.

എസിയുള്ള സ്വിഫ്‌റ്റ്‌ ബസില്‍ 1260 രൂപയാണ് യാത്രാനിരക്ക്. കണ്ണൂരില്‍ നിന്നും വൈകിട്ട് അഞ്ചിന് പുറപ്പെട്ടാല്‍ ബസ്, 5.40 ന് മാഹിയിലെത്തും. കോഴിക്കോട് 7, ,മലപ്പുറം 8.35, പെരിന്തല്‍മണ്ണ 9, പാലക്കാട് 10.20, കോയമ്ബത്തൂര്‍ 11.20, സേലം 2.10, ആതൂര്‍ 3.30, നെയ്‌വേലി 5.20, ഗൂഡല്ലൂര്‍ 6.5 എന്നീ സമയങ്ങളില്‍ എത്തും.

പുതുച്ചേരിയില്‍ നിന്ന് വൈകുന്നേരം ആറിനാണ് കണ്ണൂരിലേക്ക് ബസ് പുറപ്പെടുക. ഗൂഡല്ലൂര്‍ 6.25, നെയ്‌വേലി 7.10, ആതൂര്‍ 9, സേലം 10.15, കോയമ്ബത്തൂര്‍ 10.5, പാലക്കാട് 2.20, പെരിന്തല്‍മണ്ണ 3.35, മലപ്പുറം 3.55, കോഴിക്കോട് 5.10, മാഹി 6.30, കണ്ണൂര്‍ 7.10 എന്നീ സമയങ്ങളില്‍ എത്തും.