തിരുവനന്തപുരം: ലഹരി ഉപഭോഗവും വിതരണവും തടയുന്നതിന് കര്ശന നടപടികള് കൈക്കൊള്ളാന് മുഖ്യമന്ത്രി പിണറായി വിജയന്റെ അദ്ധ്യക്ഷതയില് ചേര്ന്ന ഉന്നതതല യോഗത്തില് തീരുമാനിച്ചു.
ലഹരിക്കേസില് പിടിയിലാകുന്നവര്ക്ക് ഉയര്ന്ന ശിക്ഷ ഉറപ്പാക്കും. നാര്ക്കോട്ടിക്ക് കണ്ട്രോള് ബ്യൂറോയുടെ റിപ്പോര്ട്ട് പ്രകാരം ആവര്ത്തിച്ച് കുറ്റകൃത്യത്തില് ഏര്പ്പെടുന്നവര്ക്കെതിരെ കരുതല് തടങ്കല് നടപടി സ്വീകരിക്കും.
കാപ്പ രജിസ്റ്റര് തയ്യാറാക്കുന്ന മാതൃകയില് ലഹരിക്കടത്ത് കുറ്റകൃത്യം ചെയ്യുന്നവരുടെ ഡാറ്റാബാങ്ക് തയ്യാറാക്കാനും മുഖ്യമന്ത്രി നിര്ദ്ദേശിച്ചു. അതിര്ത്തികളിലും മറ്റു സംസ്ഥാനങ്ങളില് നിന്നും കേരളത്തിലേക്കുവരുന്ന ട്രെയിനുകളിലും പരിശോധന ശക്തമാക്കും. സംസ്ഥാനമൊട്ടാകെ പൊലീസന്റെയും എക്സൈസിന്റെയും നേതൃത്വത്തില് ലഹരി വിരുദ്ധ സ്പെഷ്യല് ഡ്രൈവ് നടത്തും. ലഹരിക്ക് എതിരായ പോരാട്ടം ജനകീയ ക്യാമ്ബയിനായി സംഘടിപ്പിക്കും. യുവാക്കള്, മഹിളകള്, കുടുംബശ്രീ പ്രവര്ത്തകര്, സമുദായ സംഘടനകള്, ഗ്രന്ഥശാലകള്, ക്ലബ്ബുകള്, റസിഡന്റ്സ് അസോസിയേഷനുകള്, സാമൂഹ്യ - സാംസ്കാരിക -രാഷ്ട്രീയ കൂട്ടായ്മകള് ഉള്പ്പെടെയുള്ള വിവിധ പ്രാദേശിക കൂട്ടായ്മകളെ ക്യാമ്ബയിനില് കണ്ണിചേര്ക്കും. ഇതിന് വ്യക്തമായ രൂപരേഖ തയ്യാറാക്കും. ഒക്ടോബര് 2 ന് ക്യാമ്ബയിനിന്റെ ഉദ്ഘാടനം നടത്തും.
Post a Comment