തൃശ്ശൂര്: തൃശ്ശൂരില് ഭര്ത്താവിന്റെ വെട്ടേറ്റ് ഗുരുതരാവസ്ഥയിലായിരുന്ന യുവതി മരിച്ചു.
തൃശ്ശൂര് തളിക്കുളം നമ്ബിക്കടവ് സ്വദേശിനി ഹഷിതയാണ്(25) മരിച്ചത്. ഭര്ത്താവിന്റെ ആക്രമണത്തില് സാരമായി പരിക്കേറ്റ് ആശുപത്രിയില് ചികിത്സയിലിരിക്കേ, ആരോഗ്യനില വഷളായതിനെ തുടര്ന്നാണ് മരണം.
ഇന്നലെ വൈകീട്ടാണ് സംഭവം. തളിക്കുളം നമ്ബികടവില് സ്വന്തം വീട്ടില് വച്ച് ഹഷിതയേയും മാതാപിതാക്കളേയും ഭര്ത്താവ് കാട്ടൂര് സ്വദേശി മംഗലത്ത് വീട്ടില് മുഹമ്മദ് ആഷിഫ് വെട്ടിപരിക്കേല്പ്പിച്ചത്. പ്രസവം കഴിഞ്ഞ് വിശ്രമത്തിലായിരുന്ന ഹഷിതയേയും കുഞ്ഞിനേയും കാണാനായിട്ടാണ് ആഷിഫ് വീട്ടിലെത്തിയത്.
പിന്നീട് ഹഷിതയുമായി വാക്ക് തര്ക്കം ഉണ്ടാവുകയും ഒടുവില് ഹഷിതയേയും പിതാവ് നൂറുദ്ദീന് (55), മാതാവ് നസീമ (50) എന്നിവരേയും ഇയാള് വെട്ടുകയായിരുന്നു എന്ന് പൊലീസ് പറയുന്നു. ആഷിഫിന്റെ ആക്രമണത്തില് സാരമായി പരിക്കേറ്റ ഹഷിതയും നൂറുദ്ദീനും തൃശ്ശൂരിലെ സ്വകാര്യ ആശുപത്രിയില് ചികിത്സയിലായിരുന്നു. ഹഷിതയുടെ ദേഹത്താകെ വെട്ടേറ്റ പാടുകളുണ്ടായിരുന്നു. നൂറുദ്ദീന്റെ തലയ്ക്കാണ് വെട്ടേറ്റത്. ആക്രമണത്തിന് ശേഷം ഒളിവില് പോയ ആഷിഫിനായി പൊലീസ് തെരച്ചില് തുടരുകയാണ്.
Post a Comment