കൊച്ചി: പറവൂരില് മകനെ സ്വകാര്യ ബസ് ജീവനക്കാരന് ആക്രമിക്കുന്നത് കണ്ട് അച്ഛന് കുഴഞ്ഞ് വീണ് മരിച്ചു.
ബസ് ജീവനക്കാരും മകനും തമ്മിലുണ്ടായ തര്ക്കത്തിനിടെയാണ് പിതാവു കുഴഞ്ഞുവീണു മരിച്ചത്. ഫോര്ട്ട്കൊച്ചി ചുള്ളിക്കല് കരിവേലിപ്പടി കിഴക്കേപറമ്ബില് ഫസലുദ്ദീനാണ് (54) മരിച്ചത്. കഴിഞ്ഞ ദിവസം രാത്രിയാണ് സംഭവം നടന്നത്.
രാത്രി 7.45നു പറവൂര് കണ്ണന്കുളങ്ങര ഭാഗത്ത് വച്ചാണ് സ്വകാര്യ ബസ് ജീവനക്കാരും ഫസലുദ്ദീനും മകനും തമ്മില് വാക്കേറ്റമുണ്ടായത്. പരവൂരില് വച്ച് സ്വകാര്യ ബസ് ഇവരുടെ കാറില് തട്ടിയെന്നാരോപിച്ചായിരുന്നു വാക്കേറ്റം. ഫസലുദ്ദീന്റെ മകന് ഫര്ഹാനാണ് (20) കാര് ഓടിച്ചിരുന്നത്. കോഴിക്കോട്- വൈറ്റില റൂട്ടിലോടുന്ന ബസ് ഓവര്ടേക്ക് ചെയ്തപ്പോള് കാറിന്റെ കണ്ണാടിയില് മുട്ടി. ഇത് ചോദ്യം ചെയ്തപ്പോഴാണ് ബസ് ജീവനക്കാര് ആക്രമിക്കാനെത്തിയതെന്നാണ് ഫര്ഹാന് പൊലീസിന് നല്കിയ മൊഴി.
സൈഡ് കൊടുക്കുന്നതു സംബന്ധിച്ചാണ് ഇരുകൂട്ടരും തമ്മില് തര്ക്കമുണ്ടായി. ബസ് നിര്ത്താതെ പോയതോടെ ഫര്ഹാന് ബസിനു മുന്പില് കാര് കൊണ്ടുവന്നിട്ടു ബസ് തടഞ്ഞു ചോദ്യം ചെയ്തു. തര്ക്കമുണ്ടായപ്പോള് ബസ് തുടര്ന്നു ഫര്ഹാന് ബസിനു മുന്പില് കാര് കൊണ്ടുവന്നിട്ടു ബസ് തടഞ്ഞു ചോദ്യം ചെയ്തു.
തര്ക്കത്തിനിടെ സ്വകാര്യ ബസ് ജീവനക്കാരന് വാഹനത്തില് നിന്നും കത്തിയെടുത്തു ഫര്ഹാനെ കുത്തി. ഇത് തടഞ്ഞ ഫര്ഹാന്റെ കൈ കത്തി തട്ടി മുറിഞ്ഞു. ഇതു കണ്ടാണ് കാറിലുണ്ടായിരുന്ന ഫസലുദ്ദീന് കുഴഞ്ഞുവീണത്. ഉടന് തന്നെ ഫസലുദ്ദീനെ താലൂക്ക് ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. സംഭവത്തിന് പിന്നാലെ സ്വകാര്യ ബസ് ജീവനക്കാര് വാഹനമെടുത്ത് കടന്നുകളഞ്ഞുവെന്നും ബസ് പിടികൂടാന് നടപടി സ്വീകരിച്ചിട്ടുണ്ടെന്നും പൊലീസ് പറഞ്ഞു. ബസ് ജീവനക്കാരെ തിരിച്ചറിഞ്ഞിട്ടുണ്ടെന്നും ഇവര്ക്കെതിരെ കേസെടുക്കുമെന്നും പൊലീസ് അറിയിച്ചു.
Post a Comment