സംസ്ഥാനത്ത് അഞ്ച് ദിവസം കൂടി മഴ തുടരുമെന്ന് റവന്യൂ മന്ത്രി കെ രാജന്. അപകടകരമായ മരങ്ങള് മുറിക്കാന് റവന്യൂ വകുപ്പിന് നിര്ദേശം നല്കിയിട്ടുണ്ട്.
നിലവില് നാല് എന് ഡിആര് എഫ് ടീമുകള് കേരളിഞ്ഞിലുണ്ടെന്നും അടിയന്തര ഘട്ടങ്ങളില് നാല് ലക്ഷം പേര്ക്ക് താമസിക്കാന് സൗകര്യം ഒരുക്കിയിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു. കാറ്റ് പ്രവചനാതീതമാണ്. ഉള്മേഖലയിലെ കാറ്റ് പുതിയ പ്രതിഭാസമാണെന്നും ഗസ്റ്റിനാഡോ ചുഴലിക്കാറ്റാണ് ഇതിന് കാരണമെന്നും കൂട്ടിച്ചേര്ത്തു. സംസ്ഥാനത്ത് 23 ക്യാമ്ബുകള് തുറന്നുവെന്നും കെ രാജന് അറിയിച്ചു. കേരളത്തില് 14 ഡാമുകള് തുറന്നുവെന്നും റവന്യൂ മന്ത്രി അറിയിച്ചു.
നാളെ അഞ്ച് ജില്ലകളില് യെല്ലോ അലേര്ട്ടാണ്. മൂഴിയാര് തുറക്കാന് അനുമതി കിട്ടിയിട്ടുണ്ട്. നഷ്ടപരിഹാരം പെട്ടെന്ന് നല്കാന് സൗകര്യം ഒരുക്കിയിട്ടുണ്ടെന്നും 25000 രൂപ വില്ലേജ് ഓഫീസര്മാര്ക്ക് ദുരന്ത നിവാരണത്തിന് കൈമാറിയിട്ടുണ്ടെന്നും അദ്ദേഹം അറിയിച്ചു. കവളപ്പാറ ഉരുള്പൊട്ടല് ദുരന്തബാധിതരുടെ പുനരധിവാസം സംബന്ധിച്ച ഹൈക്കോടതിയുടെ വിമര്ശനം സൂഷ്മമായി പരിശോധിക്കുമെന്നും റവന്യൂ മന്ത്രി അറിയിച്ചു. ആര്ക്കും ഒരു ബുദ്ധിമുട്ടില്ലാതെ പ്രശ്നം വേഗത്തില് പരിഹരിക്കും. 85 പേരുടെ കാര്യത്തില് തീരുമാനമായിട്ടുണ്ട്. ചിലരുടെ കാര്യത്തില് ഭൂമി കിട്ടാത്ത പ്രശ്നം ഉണ്ടെന്നും മന്ത്രി പറഞ്ഞു.
Post a Comment