കേളകം: കൊട്ടിയൂര്-ബോയ്സ് ടൗണ് റോഡ് ചുരത്തില് ഗതാഗതം തടസ്സപ്പെടുത്തി ഞായറാഴ്ച പുലര്ച്ചെ മരം കടപുഴകി.
ആശ്രമം വളവില് കടപുഴകിയ വന്മരം കൊട്ടിയൂര് ഗ്രാമപഞ്ചായത്ത് പ്രസിഡന്റ് റോയി നമ്ബുടാകത്തിന്റെ നേതൃത്വത്തില് മുറിച്ചുനീക്കി ഗതാഗതം പുനഃസ്ഥാപിച്ചു.
നാട്ടുകാര് ആദ്യം വിവരമറിയിച്ചതുപ്രകാരം പഞ്ചായത്ത് പ്രസിഡന്റ് പുലര്ച്ചെതന്നെ സഹായിക്കൊപ്പം സ്ഥലത്തെത്തി മഴയത്ത് വാളുപയോഗിച്ച് മരം മുറിച്ചുനീക്കി ഗതാഗതം പുനഃസ്ഥാപിക്കുകയായിരുന്നു. മുമ്ബും ഉരുള്പൊട്ടല് ദുരിതബാധിത പ്രദേശങ്ങളില് സേവനം എത്തിച്ച് ശ്രദ്ധേയനാണ് ഇദ്ദേഹം.
പഞ്ചായത്തിനകത്തും പുറത്തുമായി സേവന പ്രവര്ത്തനങ്ങള്ക്കായി ഇദ്ദേഹത്തിന്റെ നേതൃത്വത്തില് 15 അംഗ സേനയും കര്മരംഗത്തുണ്ട്.
Post a Comment