കണ്ണൂർ: മുഖ്യമന്ത്രി പിണറായി വിജയൻ രാജിവയ്ക്കണമെന്ന് ആവശ്യപ്പെട്ട് കണ്ണൂർ കളക്ട്രേറ്റിലേക്ക് കോൺഗ്രസ് പ്രവർത്തകർ നടത്തിയ മാർച്ചിൽ സംഘർഷം. കോൺഗ്രസ്, യൂത്ത് കോൺഗ്രസ്, മഹിളാ കോൺഗ്രസ് പ്രവർത്തകരാണ് പ്രതിഷേധവുമായി തടിച്ചുകൂടിയത്.
പോലീസ് ബാരിക്കേഡ് മാറ്റാൻ ശ്രമിച്ച പ്രതിഷേധക്കാരെ പിരിച്ചുവിടാൻ പോലീസ് ജലപീരങ്കി പ്രയോഗിച്ചു. ഇതിനിടെ നാല് പ്രവർത്തകർക്ക് പരിക്കേറ്റു. ഇവരെ സ്ഥലത്ത് നിന്നും മാറ്റി. പോലീസിന് നേരെ പ്രവർത്തകർ ചെരിപ്പെറിഞ്ഞു.
പോലീസ് ബാരിക്കേഡിന് മുകളിൽ കയറി മുദ്രാവാക്യം വിളിച്ച പ്രവർത്തകരെ ഡിസിസി അധ്യക്ഷൻ മാർട്ടിൻ ജോസഫ് അനുനയിപ്പിച്ച് താഴെയിറക്കി. പ്രതിഷേധക്കാർ പോലീസ് വാഹനത്തിൽ യൂത്ത്കോൺഗ്രസിന്റെ പതാക കെട്ടി.
രണ്ട് ഡിവൈഎസ്പിമാരുടെ നേതൃത്വത്തിൽ കണ്ണൂർ നഗരത്തിൽ വൻ പോലീസ് സന്നാഹം നിലയുറപ്പിച്ചിട്ടുണ്ട്.

Post a Comment