കൊവിഡ് മാനദണ്ഡങ്ങള് പാലിച്ച് തൃശൂര് പൂരം നടത്താന് തീരുമാനം. ഇന്ന് ദേവസ്വം മന്ത്രി കെ രാധാകൃഷ്ണന്റെ നേതൃത്വത്തില് തിരുവനന്തപുരത്ത് ചേര്ന്ന യോഗത്തിലാണ് തീരുമാനം. കൊവിഡ് നിയന്ത്രണങ്ങളില് ഇളവ് വന്ന സാഹചര്യത്തിലാണ് എല്ലാ ചടങ്ങളോടും കൂടി പൂരം നടത്താന് തീരുമാനിച്ചത്.
കൊവിഡ് പ്രതിസന്ധിയെ തുടര്ന്ന് കഴിഞ്ഞ രണ്ട് വര്ഷങ്ങളില് പൂരം എല്ലാ വിധ ആചാരാനുഷ്ഠാനങ്ങളോടെയും നടത്താന് കഴിഞ്ഞിരുന്നില്ല. കഴിഞ്ഞ വര്ഷം പൂരത്തോടനുബന്ധിച്ച ചടങ്ങുകള് നടത്തിയിരുന്നുവെങ്കിലും പൂര നഗരിയിലേക്ക് ആരെയും പ്രവേശിപ്പിച്ചിരുന്നില്ല. ഈ വര്ഷം പൂരപ്രേമികള്ക്ക് പൂര നഗരയില് പ്രവേശനം ഉണ്ടാകും. കൊവിഡ് നിയന്ത്രങ്ങള് വരുന്നതിന് മുമ്പ് നടത്തിയത് പോലെ മികച്ച രീതിയില് പൂരം നടത്താനാണ് തീരുമാനമെന്ന് ദേവസ്വം മന്ത്രി കെ രാധാകൃഷ്ണന് പറഞ്ഞു.
Post a Comment