സംസ്ഥാനത്തെ 402 ആശുപത്രികളില് ഇ-ഹെല്ത്ത് സംവിധാനം
സജ്ജമായതായി ആരോഗ്യ വകുപ്പ് മന്ത്രി വീണാ ജോര്ജ്. 176 ആശുപത്രികളില് ഇ-ഹെല്ത്ത് സംവിധാനം സജ്ജമാക്കിയത് ഈ സര്ക്കാരിന്റെ കാലത്താണെന്നും ഘട്ടം ഘട്ടമായി സംസ്ഥാനത്തെ മുഴുവന് സര്ക്കാര് ആശുപത്രികളിലും ഇ-ഹെല്ത്ത് സംവിധാനം ഏര്പ്പെടുത്തുകയാണ് ലക്ഷ്യമെന്നും മന്ത്രി പറഞ്ഞു.
176 ആശുപത്രികളില് ഇ-ഹെല്ത്ത് സംവിധാനം സജ്ജമാക്കിയത് ഈ സര്ക്കാരിന്റെ കാലത്താണെന്നും ഘട്ടം ഘട്ടമായി സംസ്ഥാനത്തെ മുഴുവന് സര്ക്കാര് ആശുപത്രികളിലും ഇ-ഹെല്ത്ത് സംവിധാനം ഏര്പ്പെടുത്തുകയാണ് ലക്ഷ്യമെന്നും മന്ത്രി പറഞ്ഞു. 150 ആശുപത്രികളില് കൂടി ഇ-ഹെല്ത്ത് സേവനം ഉടന് ലഭ്യമാക്കും. 70,000 കണ്സള്ട്ടേഷനും 20,000 പ്രിസ്ക്രിപ്ഷനും, 6,500 ലാബ് പരിശോധനകളുമാണ് പ്രതിദിനം ഇ-ഹെല്ത്തിലൂടെ നടത്തുന്നത്. ഇലക്ട്രോണിക്സ് സംവിധാനത്തിലൂടെ രോഗീ സൗഹൃദ ചികിത്സ ഉറപ്പാക്കും. ഈ ബജറ്റില് ഇ-ഹെല്ത്ത് പദ്ധതിയ്ക്കായി 30 കോടി രൂപ വകയിരുത്തിയിട്ടുണ്ടെന്നും ആരോഗ്യ മേഖലയെ സമ്ബൂര്ണമായും ഡിജിറ്റലാക്കുകയാണ് ലക്ഷ്യമെന്നും മന്ത്രി വ്യക്തമാക്കി.
പ്രാഥമികാരോഗ്യ കേന്ദ്രങ്ങള് മുതല് മെഡിക്കല് കോളേജുകള് വരെയുള്ള അമ്ബതിനായിരത്തോളം വരുന്ന ആരോഗ്യ പ്രവര്ത്തകര്ക്ക് സഹായകരമാണ് ഇ-ഹെല്ത്ത് സംവിധാനം. അടുത്തവര്ഷം 200 ആശുപത്രികളില് കൂടി ഇ-ഹെല്ത്ത് നടപ്പിലാക്കും. ഇതിലൂടെ പ്രതിദിനം ഒരു ലക്ഷം പേര്ക്ക് ഇ-ഹെല്ത്ത് സേവനം നല്കാനാണ് സര്ക്കാര് ലക്ഷ്യമിടുന്നത്. പ്രതിദിനം 50,000 ഓണ്ലൈന് അപ്പോയ്മെന്റ്, 10,000 ലാബ് റിപ്പോര്ട്ട് എന്നിവയും ലക്ഷ്യമിടുന്നുണ്ട്. 50 ലക്ഷം ജനങ്ങളുടെ ജനസംഖ്യാധിഷ്ഠിത ജീവിതശൈലീ രോഗനിര്ണത്തിനായി ശൈലി ആപ്പ് സജ്ജമാക്കുമെന്നും മന്ത്രി അറിയിച്ചു.
1
Post a Comment