തിരുവനന്തപുരം: യുക്രൈനില് നിന്നും (Ukraine Russia Crisis) തിരിച്ചെത്തിയ (students) വിദ്യാര്ഥികളുമായി സംവദിക്കുന്നതിനും തുടര് പഠനവമായി ബന്ധപ്പെട്ട കാര്യങ്ങള് ചര്ച്ച ചെയ്യുന്നതിനുമായി (NORKA) നോര്ക്കയുടെ ആഭിമുഖ്യത്തില് വിദ്യാര്ഥികളുടെ യോഗം വിളിക്കുന്നു.
ഏപ്രില് 30ന് ഉച്ചക്ക് 2.30 മുതല് വൈകുന്നേരം അഞ്ചു വരെ തിരുവനന്തപുരം കവടിയാര് ഗോള്ഫ് ലിങ്കിലെ ഉദയ കണ്വെന്ഷന് സെന്ററിലാണ് യോഗം.വിദ്യാര്ഥികള്ക്ക് തങ്ങളുടെ പ്രശ്നങ്ങളും അഭിപ്രായങ്ങളും നേരിട്ട് അവതരിപ്പിക്കാനുള്ള വേദിയെന്ന നിലയില് സംഘടിപ്പിക്കുന്ന യോഗത്തില് നോര്ക്ക പ്രിന്സിപ്പല് സെക്രട്ടറി സുമന് ബില്ല, റസിഡന്റ് വൈസ് ചെയര്മാന് പി.ശ്രീരാമകൃഷ്ണന്, ചീഫ് എക്സിക്യൂട്ടീവ് ഓഫീസര് കെ.ഹരികൃഷ്ണന് നമ്ബൂതിരി തുടങ്ങിയവര് സംബന്ധിക്കും.
പങ്കെടുക്കാന് ആഗ്രഹിക്കുന്ന വിദ്യാര്ഥികള് ://ukraineregistration.norkaroots.org എന്ന ലിങ്കില് രജിസ്റ്റര് ചെയ്യണമെന്ന് സി.ഇ.ഒ അറിയിച്ചു. രജിസ്റ്റര് ചെയ്തവര്ക്ക് നേരിട്ടോ ഓണ്ലൈനായോ യോഗത്തില് പങ്കെടുക്കാം. ഓണ്ലൈനായി പങ്കെടുക്കുന്ന വിദ്യാര്ഥികള്ക്ക് മീറ്റിംഗ് ലിങ്ക് മൊബൈല് നമ്ബരിലും ഇ-മെയിലിലും ലഭ്യമാക്കും. യുക്രൈന് യുദ്ധം മൂലം പഠനം തടസപ്പെട്ട വിദ്യാര്ഥികളുടെ പ്രശ്നങ്ങള്ക്ക് പരിഹാരം കണ്ടെത്തുന്നതിന്റെ ഭാഗമായി ഏപ്രില് നാലിന് ചീഫ് സെക്രട്ടറിയുടെ അധ്യക്ഷതയില് ചേര്ന്ന ഉന്നതതല യോഗത്തിലാണ് വിദ്യാര്ഥികളുടെ യോഗം വിളിക്കാനും വിവര ശേഖരണത്തിനായി വെബ്പോര്ട്ടല് രൂപീകരിക്കാനും തീരുമാനിച്ചത്.
Post a Comment