തിരുവനന്തപുരം: ( 06.04.2022) സംസ്ഥാനത്ത് തുടര്ച്ചയായ രണ്ടാം ദിവസവും മാറ്റമില്ലാതെ സ്വര്ണവില.
ഒരു ഗ്രാം സ്വര്ണത്തിന് ബുധനാഴ്ച 4780 രൂപയാണ് വില. ഒരു പവന് സ്വര്ണത്തിന് 38240 രൂപയാണ് വില. കഴിഞ്ഞ ദിവസങ്ങളില് സംസ്ഥാനത്ത് സ്വര്ണ വില കുതിച്ചുയരുകയും കുത്തനെ താഴുകയും ചെയ്തിരുന്നു.
അന്താരാഷ്ട്ര വില നിലവാരത്തില് വലിയ മാറ്റം ഉണ്ടാകാത്തത് കൊണ്ടാണ് ബുധനാഴ്ചയും ചൊവ്വാഴ്ചത്തെ സ്വര്ണ നിരക്കില് വ്യാപാരം പുരോഗമിക്കുന്നത്. 925 ഹോള്മാര്ക് വെള്ളിക്ക് 100 രൂപയാണ് വില. വെള്ളിക്ക് 72 രൂപയാണ് വില.
ഏപ്രില് നാലിനാണ് സ്വര്ണ വിലയില് അവസാനമായി മാറ്റമുണ്ടായത്. സ്വര്ണത്തിന് ഒരു ഗ്രാമിന് 15 രൂപ കുറഞ്ഞിരുന്നു. എന്നാല് ഏപ്രില് മാസം ആരംഭിച്ചത് സ്വര്ണവില കുത്തനെ ഉയര്ത്തി കൊണ്ടാണ്.
ഏപ്രില് ഒന്നിന് ഗ്രാമിന് 45 രൂപ സ്വര്ണ വില ഉയര്ന്നു. 4810 രൂപയായിരുന്നു അന്ന് സ്വര്ണത്തിന്റെ വില. ഒരു പവന് സ്വര്ണത്തിന് 38480 രൂപയായിരുന്നു ഏപ്രില് ഒന്നിലെ വില. ഈ മാസത്തെ ഏറ്റവും ഉയര്ന്ന വിലയും ഏപ്രില് ഒന്നിനാണ് ഉണ്ടായിരുന്നത്.
Post a Comment