കൊച്ചി: മീഡിയവൺ സംപ്രേഷണ വിലക്കിൽ ഹൈക്കോടതി ഡിവിഷൻ ബെഞ്ച് വാദം പൂർത്തിയാക്കി വിധി പറയാനായി മാറ്റി. കേന്ദ്രസര്ക്കാരാണ് മീഡിയ വണ് ചാനലിന് സംപ്രേഷണ വിലക്കേര്പ്പെടുത്തിയത്. ഇതിനെതിരെ നല്കിയ ഹര്ജി ഹൈക്കോടതി സിംഗിള് ബെഞ്ച് തള്ളിയതിനെ തുടര്ന്നാണ് ചാനല് ഡിവിഷന് ബെഞ്ചിനെ സമീപിച്ചത്.
കേസില് മീഡിയ വണ്ണിന് വേണ്ടി സുപ്രീം കോടതിയിലെ മുതിര്ന്ന അഭിഭാഷകന് ദുഷ്യന്ത് ദാവെ ഹാജരായി. രാജ്യസുരക്ഷയാണ് പ്രശ്നമെങ്കില് കഴിഞ്ഞദിവസം വരെ എന്തിന് സംപ്രേഷണത്തിന് അനുമതി നല്കിയെന്ന് അഭിഭാഷകന് ദുഷ്യന്ത് ദാവെ ചോദിച്ചു. ലൈസന്സ് ഓരോ ഘട്ടത്തിലും പുതുക്കുമ്പോള് സുരക്ഷാ ക്ലിയറന്സിന്റെ ആവശ്യമില്ലെന്നും അഭിഭാഷകന് ചൂണ്ടിക്കാട്ടി.
അതേസമയം ചാനലിനെതിരെ ഗൗരവമുള്ള ഇന്റലിജന്സ് റിപ്പോര്ട്ടുകളുടെ അടിസ്ഥാനത്തില് കേന്ദ്ര ആഭ്യന്തര മന്ത്രാലയത്തിന്റെ കമ്മിറ്റിയാണ് സുരക്ഷാ ക്ലിയറന്സ് നിഷേധിച്ചതെന്ന് കേന്ദ്രം വ്യക്തമാക്കി.
Post a Comment