ഡല്ഹി: ഇന്ത്യൻ ദേശീയ പാതകളില് ഫാസ്ടാഗ് ഇല്ലാത്ത വാഹനങ്ങള്ക്ക് ടോള് പിരിക്കുന്ന രീതിയില് മാറ്റം വരുത്തി റോഡ് ഗതാഗത ഹൈവേ മന്ത്രാലയം.ഫാസ്ടാഗ് ഇല്ലാത്ത വാഹനങ്ങള്ക്ക് യുപിഐയിലൂടെ പണമടച്ചാല് നിരക്ക് കുറയുമെന്ന മാറ്റമാണ് അവതരിപ്പിച്ചിരിക്കുന്നത്. പുതിയ ചാർജ് നവംബർ 15 മുതല് പ്രാബല്യത്തില് വരും.
നാഷണല് ഹൈവേ ഫീസ് നിയമത്തില് ഭേദഗതി വരുത്തികൊണ്ടാണ് പുതിയ സംവിധാനം നടപ്പിലാക്കുന്നത്. പുതിയ നിയമം അനുസരിച്ച് ഫാസ്ടാഗ് ഇല്ലാത്ത വാഹനങ്ങള്ക്ക് അവർ പണമടയ്ക്കുന്ന രീതി അനുസരിച്ചാണ് ടോള് ഈടാക്കുക. ടോള് പ്ളാസകളില് പണം ഉപയോഗിച്ച് ഫീസ് ഒടുക്കുമ്ബോള് സാധാരണ ടോള് ഫീസിന്റെ ഇരട്ടിത്തുക തുടർന്നു നല്കേണ്ടതായി വരും. യുപിഐ പോലുള്ള ഡിജിറ്റല് പേയ്മെന്റ് രീതികള് ഉപയോഗിക്കുന്നവർക്ക് സാധാരണ ടോളിന്റെ 1.25 ഇരട്ടി ഫീസ് മാത്രമേ നല്കേണ്ടതായി വരികയുള്ളൂ.
ഡിജിറ്റല് പേയ്മെന്റുകളെ പ്രോത്സാഹിപ്പിക്കുക, പണത്തെ ആശ്രയിക്കുന്നത് കുറയ്ക്കുക, ടോള് പ്ളാസകളിലെ കാത്തിരിപ്പ് സമയം കുറയ്ക്കുക എന്നിവ ലക്ഷ്യമിട്ടാണ് കേന്ദ്രസർക്കാരിന്റെ പുതിയ നീക്കം. പുതിയ സംവിധാനം ഡിജിറ്റല് ഇടപാടുകളുടെ സുധാര്യത വർദ്ധിപ്പിക്കുകയും യാത്ര സുഗമമാക്കുകയും ചെയ്യുമെന്നാണ് വിലയിരുത്തല്.
Post a Comment