എന്നാലും എന്റെ കള്ളാ, ഇത്രയ്ക്കും ചെരുപ്പില്ലേ?, തളിപ്പറമ്പിൽ വീട്ടില്‍ കവര്‍ച്ച: മോഷണം പോയത് വിലകൂടിയ ഷൂവും ചെരുപ്പും

തളിപ്പറമ്പ് : പട്ടുവം മുറിയാത്തോട്ടെ വീട്ടില്‍ കവർച്ച. ശബ്ദം കേട്ട് വീട്ടുകാർ ഉണർന്നപ്പോള്‍ വിലകൂടിയ ഷൂവും ചെരുപ്പും കവർന്ന് കള്ളൻ രക്ഷപ്പെട്ടു.

മുറിയാത്തോട് കള്ള് ഷാപ്പിന് സമീപത്തെ ജിതേഷിന്റെ വീട്ടില്‍ മിനിഞ്ഞാന്ന് പുലർച്ചെയാണ് കവർച്ച നടന്നത്.

പുലർച്ചെ ആള്‍പ്പെരുമാറ്റം ശ്രദ്ധയില്‍പ്പെട്ട വീട്ടുകാർ ലൈറ്റിട്ടതോടെ കള്ളൻ രക്ഷപ്പെടുകയായിരുന്നു. തുടർന്ന് പരിശോധിച്ചപ്പോഴാണ് വീട്ടിലെ വിലകൂടിയ ഷൂവും ചെരുപ്പും മോഷണം പോയതായി മലസ്സിലായത്. രണ്ട് മാസം മുമ്ബും ഇതേ വീട്ടില്‍ രണ്ട് തവണ കവർച്ചാ ശ്രമം നടന്നിരുന്നു.

അടുത്ത കാലത്താണ് ഇവിടെ ജിതേഷ് വീട് വെച്ചത്. അന്ന് മുതല്‍ കവർച്ചക്കാരുടെ ശല്യം തുടർച്ചയായതോടെ നിരീക്ഷണ ക്യാമറയും സ്ഥാപിച്ചിരുന്നു. മിനിഞ്ഞാന്ന് കവർച്ചയ്ക്ക് എത്തിയ ആളുടെ ദൃശ്യം നിരീക്ഷണ ക്യാമറയില്‍ പതിഞ്ഞിട്ടുണ്ട്. സംഭവത്തില്‍ ജിതേഷ് തളിപ്പറമ്ബ പൊലീസില്‍ പരാതി നല്‍കി.