തിരുവനന്തപുരം: റംസാൻ, ഈസ്റ്റർ, വിഷു പ്രമാണിച്ച് സപ്ലൈകോയുടെ നേതൃത്വത്തില് സംഘടിപ്പിക്കുന്ന ഫെയറുകളില് വിവിധ ഉല്പ്പന്നങ്ങള്ക്ക് 40 ശതമാനം വരെ വിലക്കുറവ് ഉണ്ടാകുമെന്ന് ഭക്ഷ്യ, പൊതു വിതരണ വകുപ്പ് മന്ത്രി ജി ആർ അനില്.
സപ്ലൈകോയുടെ ആഭിമുഖ്യത്തില് എല്ലാ ജില്ലകളിലും ആരംഭിക്കുന്ന ഈസ്റ്റർ, വിഷു, റംസാൻ ഫെയറുകളുടെ സംസ്ഥാന തല ഉദ്ഘാടനം തിരുവനന്തപുരം പീപ്പിള്സ് ബസാറില് നിർവഹിക്കുകയായിരുന്നു മന്ത്രി.
മലപ്പുറം, കോഴിക്കോട് ജില്ലകളില് പ്രത്യേകം ചന്തകള് ആരംഭിക്കുന്നുണ്ട്. മറ്റ് ജില്ലകളില് സപ്ലൈകോയുടെ പ്രധാന ഔട്ട്ലെറ്റുകളില് ഫെയറിനുള്ള സൗകര്യങ്ങള് ഒരുക്കി. സാമ്ബത്തിക ബാധ്യത കണക്കിലെടുത്താണ് നിലവിലെ ഔട്ട്ലെറ്റുകളില് വിപണന മേള ക്രമീകരിക്കുന്നത്.
മാർച്ച് 30 വരെ റംസാൻ ഫെയറും എപ്രില് 10 മുതല് 19 വരെ വിഷു, ഈസ്റ്റർ ഫെയറും നടക്കും. മാർക്കറ്റില് നിലവിലെ ഉല്പ്പന്നത്തിന്റെ വിലയെ അപേക്ഷിച്ച് 40 ശതമാനം വരെ വിലക്കുറവാണ് ഫെയറുകളിലുള്ളത്. 285 രൂപ വരെ മാർക്കറ്റില് വിലയുള്ള വെളിച്ചെണ്ണ 235 രൂപക്കാണ് സപ്ലൈകോ നല്കുന്നത്. അതുപോലെ മറ്റ് 13 നിത്യോപയോഗ സാധനങ്ങള് 35 മുതല് 40 ശതമാനം വിലകുറച്ച് വില കുറച്ച് നല്കുന്നതിന് നിരവധി പ്രതിസന്ധികളെ മറികടക്കേണ്ടി വരുന്നു. നിരവധി തവണ ടെൻഡർ നടപടികള് പൂർത്തിയാക്കി ഉല്പ്പന്നങ്ങള് നല്കുന്ന സ്ഥാപനങ്ങളുമായി ചർച്ചകള് നടത്തി പരമാവധി വില കുറയ്ക്കാൻ ഗവണ്മെന്റ് സമ്മർദം ചെലുത്തുന്നത്കൊണ്ടാണ് ഇത്തരത്തില് വില കുറച്ച് പരമാവധി ഉല്പ്പന്നങ്ങള് ജനങ്ങളിലേക്ക് എത്തിക്കുവാൻ കഴിയുന്നതെന്നും മന്ത്രി പറഞ്ഞു.
Post a Comment