ഇടുക്കി: 12 വയസ്സുകാരന് നിര്ബന്ധിച്ച് മദ്യം നല്കിയ കേസില് യുവതി പിടിയിലായി. പീരുമേട് മ്ലാമല സ്വദേശിനി പ്രിയങ്ക (26) ആണ് പീരുമേട് പോലീസിന്റെ പിടിയിലായത്.
കുട്ടി അവശനായി വീട്ടിലെത്തിയതോടെ രക്ഷിതാക്കള് കാരണം അന്വേഷിച്ചു. അപ്പോഴാണ് കുട്ടി പ്രിയങ്കയുടെ വീട്ടില് പോയിരുന്നതായി രക്ഷിതാക്കള് അറിഞ്ഞത്. തുടർന്ന് വിവരം അന്വേഷിച്ചെത്തിയപ്പോള് കുട്ടിക്ക് മദ്യം നല്കിയതായി പ്രിയങ്ക സമ്മതിച്ചു.
കട്ടൻചായ ആണെന്ന് വിശ്വസിപ്പിച്ച് നിർബന്ധിച്ച് മദ്യം കുടിപ്പിച്ചതായാണ് മാതാപിതാക്കള് പോലീസിന് നല്കിയ പരാതിയിലുള്ളത്. ജൂവനൈല് ജസ്റ്റിസ് ആക്ട് പ്രകാരം കേസെടുത്ത് പ്രിയങ്കയെ പീരുമേട് കോടതിയില് ഹാജരാക്കി.
സംഭവത്തെക്കുറിച്ച് പോലീസ് കൂടുതല് അന്വേഷണം ആരംഭിച്ചു. പ്രതി കുട്ടിക്ക് മദ്യം നല്കിയതിന്റെ കാരണം കണ്ടെത്താനും മറ്റാർക്കെങ്കിലും ഇത്തരത്തില് മദ്യം നല്കിയിട്ടുണ്ടോ എന്നും പോലീസ് അന്വേഷിക്കുന്നുണ്ട്.
Post a Comment