തിരുവനന്തപുരം: റേഷൻ കടകളുടെ സമയം പുനക്രമീകരിച്ച്‌ ഭക്ഷ്യവിതരണ വകുപ്പ്. രാവിലെ എട്ടര മുതല്‍ 12 മണി വരെയും വൈകിട്ട് നാലു മുതല്‍ 7 മണി വരെയും റേഷൻകടകള്‍ തുറന്നു പ്രവർത്തിക്കും.
ഇതോടെ അരമണിക്കൂർ പ്രവർത്തന സമയം കുറയും. നിലവില്‍ രാവിലെ എട്ടു മുതല്‍ 12 വരെയും നാലു മുതല്‍ ഏഴ് വരെയും ആയിരുന്നു റേഷൻകടകളുടെ പ്രവർത്തന സമയം. റേഷൻ വ്യാപാരി സംഘടനകള്‍ ഇന്ന് ഭക്ഷ്യ മന്ത്രിയുമായി നടത്തിയ ചർച്ചയിലാണ് തീരുമാനം. ജനുവരി ഒമ്ബതിന് റേഷൻ വ്യാപാരികളുമായി രണ്ടാംഘട്ട ചർച്ച നടക്കും. സർക്കാർ ഉടൻ ഉത്തരവ് പുറത്തിറക്കും.
KTPDS ആക്ടില്‍ ഭേദഗതി വരുത്തണമെന്നായിരുന്നു റേഷൻ വ്യാപാരികളുടെ പ്രധാന ആവശ്യം. ആക്റ്റിലെ അപാകതകള്‍ പരിഹരിക്കാമെന്ന് ചർച്ചയില്‍ മന്ത്രി വ്യാപാരികള്‍ക്ക് ഉറപ്പു നല്‍കി.
റേഷൻ കടകള്‍ക്കും സർക്കാരിന്റെ എല്ലാ പൊതു അവധികളും നല്‍കണമെന്ന് റേഷൻ വ്യാപാരികള്‍ ആവശ്യപ്പെട്ടിരുന്നു. കൂടാതെ അവധി ദിവസം റേഷൻ കടകള്‍ പ്രവർത്തിപ്പിക്കുന്നവക്കെതിരെ നടപടി വേണമെന്നും ചർച്ചയില്‍ ആവശ്യപ്പെട്ടിരുന്നു. വേതന പാക്കേജും ക്ഷേമനിധിയുമായി ബന്ധപ്പെട്ടുള്ള കാര്യങ്ങളും പിന്നീട് ചർച്ച ചെയ്യും.
Post a Comment