തിരുവനന്തപുരം: കെഎസ്ആർടിസി ജീവനക്കാരുടെ പെൻഷൻ വൈകുന്നതില് സർക്കാരിനെതിരെ മുന്നറിയിപ്പുമായി ഹൈകോടതി. പെൻഷൻ ലഭിക്കാതെ കെഎസ്ആർടിസിയില് നിന്ന് വിരമിച്ച ജീവനക്കാർ ആത്മഹത്യ ചെയ്യുന്ന സാഹചര്യത്തിലാണ് ഹൈകോടതി സർക്കാരിന് ശക്തമായ മുന്നറിയിപ്പ് നല്ക്കിയത്.
പെൻഷൻ മുടങ്ങിയതിന്റെ പേരില് ഇനിയൊരു ആത്മഹത്യ ഉണ്ടാവരുതെന്നും ഇത്തരം സംഭവങ്ങള് കേള്ക്കുന്നത് വളരെയധികം ഖേദകരമാണെന്നും ഹൈകോടതി വ്യക്തമാക്കി.
ഇത്തരം സംഭവങ്ങള് കേള്ക്കുന്നതില് സർക്കാരിന് ദു:ഖമില്ലെയെന്നും കോടതി ചോദിച്ചു. കാട്ടാക്കട ഡിപ്പോയില് നിന്ന് വിരമിച്ച കെഎസ്ആർടിസി ജീവനക്കാരൻ ആത്മഹത്യ ചെയ്ത സംഭവമാണ് കോടതി പരിഗണിച്ചത്.
അതേസമയം പെൻഷൻ കിട്ടാത്തതു മൂലമാണ് ആത്മഹത്യ ചെയ്തതെന്ന് സ്ഥിരീകരിച്ചിട്ടില്ലെന്നാണ് സർക്കാർ ഹൈകോടതിയെ അറിയിച്ചത്. ഇതുവരെ നാല് ആത്മഹത്യകള് ശ്രദ്ധയില് പെട്ടിട്ടുണ്ടെന്ന് ഹൈകോടതി വ്യക്തമാക്കി. ഓണം അടുത്തുവരുകയാണെന്നും അതുകൊണ്ട് സെപ്റ്റംബർ മാസത്തെ പെൻഷൻ ഉടനെ നല്ക്കണമെന്നും വൈകരുതെന്നും ഹൈകോടതി സർക്കാരിനോട് നിർദേശിച്ചു.
Post a Comment