സോഷ്യല് മീഡിയ വഴിയും അല്ലാതെയും നിരവധി തട്ടിപ്പുകളാണ് നടക്കുന്നത്. പെട്ടെന്ന് ഇത്തരം കോളുകളോടോ മെസേജുകളോടോ പ്രതികരിച്ച് പണി കിട്ടുന്നവരും ചുരുക്കമല്ല. എന്നാല് അത്തരം തട്ടിപ്പുകളെക്കുറിച്ച് ശ്രദ്ധിക്കണമെന്നാണ് കേരള പൊലിസ് പറയുന്നത്. കേരളത്തില് ഏറ്റവും കൂടുതല് റിപ്പോര്ട്ട് ചെയ്യുന്നത് എന്ഫോഴ്സ്മെന്റ് ഓഫീസര് ഫ്രോഡ് എന്ന സാമ്പത്തികത്തട്ടിപ്പാണെന്ന് കേരള പൊലീസ് വ്യക്തമാക്കുന്നു.
നിങ്ങളുടെ പേരില് ഒരു കൊറിയര് ഉണ്ടെന്നും അതില് പണം, സിം, വ്യാജ ആധാര് കാര്ഡുകള്, മയക്കുമരുന്ന് എന്നിവ അടങ്ങിയിട്ടുണ്ടെന്നുമായിരിക്കും വിളിക്കുന്നയാള് അറിയിക്കുക. നിങ്ങളുടെ പേരില് നിങ്ങളുടെ ആധാര് കാര്ഡും ബാങ്ക് വിവരങ്ങളും ഉപയോഗിച്ച് കൊറിയര് ബുക്ക് ചെയ്തു എന്ന പേരിലും തട്ടിപ്പ് നടത്താറുണ്ട്.
നിങ്ങളുടെ ആധാര് നമ്പറും ബാങ്ക് അക്കൗണ്ട് വിവരങ്ങളും നിങ്ങളോടുതന്നെ തട്ടിപ്പുകാരന് പറഞ്ഞുതരുന്നു. പാഴ്സലിലെ സാധനങ്ങള്ക്ക് തീവ്രവാദ ബന്ധമുണ്ടെന്നും കൂടുതല് വിവരങ്ങള് അറിയിക്കാന് ഫോണ് സിബിഐയിലെയോ സൈബര് പൊലീസിലെയോ മുതിര്ന്ന ഓഫീസര്ക്ക് കൈമാറുന്നു എന്നും പറയുന്നതോടെ മറ്റൊരാള് സംസാരിക്കുന്നു. പാഴ്സലിനുള്ളില് എംഡിഎംഎയും പാസ്പോര്ട്ടും നിരവധി ആധാര് കാര്ഡുകളുമൊക്കെയുണ്ടെന്നും നിങ്ങള് തീവ്രവാദികളെ സഹായിക്കുന്നുവെന്നും അയാള് പറയുന്നു.
Post a Comment