സ്കൂളിലേക്ക് കടന്നു പോകുന്ന ഒരുപാട് കുട്ടികളുണ്ട് നമുക്ക് ചുറ്റും . അവരുടെ സുരക്ഷക്ക് വാഹനം ഉപയോഗിക്കുന്നവർ പൂർണ്ണമായ ജാഗ്രത പാലിക്കുന്നതോടൊപ്പം നടന്നു പോകുന്ന കുട്ടികളേയും പരിശീലിപ്പിക്കേണ്ടതുണ്ട്.
ഇതിന് അധ്യാപകരും രക്ഷിതാക്കളും പൂർണ്ണ പിന്തുണ നല്കേണ്ടതാണ്.
1.
കുട്ടികള് വലത് വശം ചേർന്ന് തന്നെയാണ് നടക്കുന്നത് എന്ന് ഉറപ്പ് വരുത്തുക. അധ്യാപകരും രക്ഷിതാക്കളും അങ്ങനെ നടന്ന് മാതൃക കാണിക്കുക.
2.
റോഡില് കൂട്ടം കൂടി നടക്കുന്നതും കളിക്കുന്നതും അപകടകരമാണ് എന്ന് ബോധ്യപ്പെടുത്തുക.
3.
റോഡില് നിരന്ന് നടക്കാതെ വരി വരിയായി നടക്കുക.
4.
കുട്ടികളെ കൈ പിടിച്ച് നടത്തുമ്ബോള് അവരെ വലത്തേ അറ്റം നടത്തുക. കുട്ടികള് നമ്മുടെ കയ്യില് പിടിക്കുന്നതിനേക്കാള് സുരക്ഷിതമാണ് നാം അവരുടെ കയ്യില് പിടിച്ച് നടത്തുന്നത്.
5.
കൊച്ചു കുട്ടികളാന്നെങ്കില് നമ്മുടെ പെരു വിരല് കുട്ടിക്ക് പിടിക്കാൻ കൊടുക്കുകയും മറ്റ് വിരലുകള് കൊണ്ട് നാം കുട്ടിയുടെ കൈ ചേർത്ത് പിടിക്കുകയും ചെയ്യുക.
6.
അപരിചിതരുടെ വാഹനങ്ങളില് ഒരിക്കലും ലിഫ്റ്റ് ആവശ്യപ്പെടുകയില്ലെന്നും അപരിചിതർ ലിഫ്റ്റ് വാഗ്ദാനം ചെയ്താല് നിരസിക്കണമെന്നും രക്ഷിതാക്കള് ബോധ്യപ്പെടുത്തുക.
Post a Comment