ആധാർ പുതുക്കിയതാണോ? സൗജന്യമായി പുതുക്കാൻ ഇനി വിരലില് എണ്ണാവുന്ന ദിവസങ്ങള് മാത്രമേ ശേഷിക്കുന്നുള്ളു. ഓരോ ഇന്ത്യൻ പൗരന്റെയും പ്രധാന തിരിച്ചറിയല് രേഖകളില് ഒന്നാണ് ആധാർ കാർഡ്.
അതിനാല്ത്തന്നെ ആധാർ കാർഡ് വിവരങ്ങള് കൃത്യത ഉള്ളതായിരിക്കണം. യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യ പറയുന്നതനുസരിച്ച് പത്ത് വർഷത്തിലേറെയായി ആധാർ പുതുക്കുന്നത് നല്ലതാണ്. യുഐഡിഎഐ പോർട്ടല് വഴിയും ആധാർ എൻറോള്മെൻ്റ് കേന്ദ്രം സന്ദർശിച്ചും ആധാർ പുതുക്കാം. പേര്, വിലാസം, മൊബൈല് നമ്ബർ, ഇമെയില് ഐഡി, ലിംഗഭേദം, ജനനത്തീയതി തുടങ്ങിയ അടിസ്ഥാന വിവരങ്ങള്ക്ക് പുറമെ, ആളുകള്ക്ക് അവരുടെ നിലവിലുള്ള കാർഡുമായി പുതിയ വിരലടയാളം, ഐറിസ് തുടങ്ങിയ ബയോമെട്രിക്സ് വിവരങ്ങള് ലിങ്ക് ചെയ്യാൻ കഴിയും.
ശ്രദ്ധിക്കേണ്ട കാര്യം ഓണ്ലൈൻ ആയി പുതുക്കുമ്ബോള് മാത്രമേ സൗജന്യം ഉണ്ടാകൂ. ജൂണ് 15 വരെയാണ് ആധാർ സൗജന്യമായി പുതുക്കാൻ കഴിയുക. മാർച്ച് 14 വരെ ആയിരുന്നു സൗജന്യമായി ആധാർ കാർഡ് പുതുക്കാനുള്ള സമയപരിധി. എന്നാല് ഇപ്പോള് സൗജന്യ ഓണ്ലൈൻ ഡോക്യുമെൻ്റ് അപ്ലോഡ് സൗകര്യം യുഐഡിഎഐ 2024 ജൂണ് 14 വരെ നീട്ടിയതാണ്.
അക്ഷയ കേന്ദ്രങ്ങള് വഴിയും ആധാർ കേന്ദ്രങ്ങള് വഴിയും സേവനം ലഭ്യമാകുന്നതിന് 50 രൂപയാണ് ഫീസ് നല്കേണ്ടത്.
ഓണ്ലൈൻ വഴി പുതുക്കാൻ…
https://myaadhaar.uidai.gov.in/ ലോഗിൻ ചെയ്യുക
‘ഡോക്യുമെന്റ് അപ്ഡേറ്റ്’ ഓപ്ഷൻ ക്ലിക്ക് ചെയ്യുക. നിങ്ങളുടെ നിലവിലുള്ള വിശദാംശങ്ങള് കാണാൻ കഴിയും
വിശദാംശങ്ങള് പരിശോധിച്ച് അടുത്ത ഹൈപ്പർ ലിങ്കില് ക്ലിക്ക് ചെയ്യുക.
ഐഡന്റിറ്റി പ്രൂഫ്, അഡ്രസ് ഡോക്യുമെന്റുകളുടെ തെളിവ് എന്നിവ തെരഞ്ഞെടുക്കുക.
സ്കാൻ ചെയ്ത പകർപ്പുകള് അപ്ലോഡ് ചെയ്യുക
Post a Comment