ബംഗളൂരു: കണ്ണൂരില്‍ നിന്നും കോട്ടയത്ത് നിന്നും ബംഗളൂരിലേക്ക് വന്ദേഭാരത് ട്രെയിനുകള്‍ അനുവദിക്കണമെന്ന് ആവശ്യം.ബംഗളൂരു മലയാളികളാണ് ഈ ആവശ്യം ഉന്നയിച്ച്‌ രംഗത്തെത്തിയിരിക്കുന്നത്.
എത്ര ട്രെയിന്‍ ഉണ്ടെന്നു പറഞ്ഞാലും ബാംഗ്ലൂരില്‍ നിന്നു നാട്ടിലെത്തുവാന്‍ ഇത്തിരി പാടാണെന്ന് അവര്‍ പറയുന്നു .നീണ്ട വാരാന്ത്യങ്ങളിയും പൊതു അവധി ദിവസങ്ങളിലെയും ട്രെയിന്‍ / ബസ് ടിക്കറ്റുകള്‍ ആഴ്ചകള്‍ക്കു മുന്‍പേ തീര്‍ന്നിക്കും.സ്വകാര്യ ബസുകളില്‍ സീറ്റ് ഉണ്ടെങ്കില്‍പ്പോലും ഉയര്‍ന്ന നിരക്കായിരിക്കും ഈടാക്കുക.
വേനലവധിയിലും കാര്യങ്ങള്‍ ഇതുപോലെ തന്നെയാണ്.ബാംഗ്ലൂരില്‍ നിന്നു കേരളത്തിലേക്കും തിരിച്ചും യാത്ര ചെയ്യുന്നവരുടെ എണ്ണത്തില്‍ വലിയ വര്‍ധനവ് ഉണ്ടായിട്ടുണ്ടെങ്കിലും യാത്രകള്‍ ക്ലേശകരം തന്നെയാണ്.യാത്രക്കാര്‍ കൂടുതലാകുന്ന സാഹചര്യം പരിഗണിച്ച്‌ കൂടുതല്‍ ട്രെയിനുകള്‍ അനുവദിക്കണമെന്നാണ് ആവശ്യം.
ബംഗളൂരു മലയാളികള്‍ ഈ ആവശ്യം നിരന്തരം ഉയര്‍ത്തുന്നുണ്ടെങ്കിലും ദക്ഷിണ റെയില്‍വേയുടെ ചെന്നൈ ലോബി അത് മുഖവിലയ്ക്ക് എടുക്കാറില്ലെന്നതാണ് വാസ്തവം.സ്വകാര്യ ബസുകളെ സഹിയിക്കാനാണ് റയില്‍വേയുടെ ഈ നടപടി എന്നാണ് പരക്കെയുള്ള ആക്ഷേപം.
കണ്ണൂരില്‍ നിന്നും കോട്ടയത്ത് നിന്നും ബംഗളൂരിലേക്ക് വന്ദേഭാരത് ട്രെയിനുകള്‍ അനുവദിക്കണമെന്ന് പ്രധാനമന്ത്രി നരേന്ദ്ര മോദിയോട് മുഖ്യമന്ത്രി പിണറായി വിജയന്‍ ആവശ്യപ്പെട്ടിരുന്നെങ്കിലും തുടര്‍നടപടികള്‍ ഉണ്ടായില്ല.
അതിവേഗം നഗരവത്കരിക്കപ്പെടുന്ന കേരളം പോലൊരു സംസ്ഥാനത്ത് മെച്ചപ്പെട്ട ഗതാഗത പദ്ധതികള്‍ കൂടിയേ തീരൂവെന്നും കെ-റയില്‍ അനുവദിക്കാത്ത സാഹചര്യത്തില്‍ കൂടുതല്‍ വന്ദേഭാരത് ട്രെയിനുകള്‍ കേരളത്തിന് അനുവദിക്കണമെന്നും തിരുവനന്തപുരം-കാസര്‍കോട് വന്ദേഭാരതിന്റെ ഉത്ഘാടന ചടങ്ങില്‍ പ്രധാനമന്ത്രി‌യോട് മുഖ്യമന്ത്രി ആവശ്യപ്പെട്ടിരുന്നു.
Post a Comment