'
തിരുവനന്തപുരം: നിയമസഭയിലേക്ക് തെരഞ്ഞെടുക്കപ്പെട്ട 11 വനിതാ ജനപ്രതിനിധികളോട് ആദര സൂചകമായി മെയ് 11 മുതല് 11 ദിവസത്തേക്ക് 11 തെരഞ്ഞെടുത്ത ശബരി ഉത്പന്നങ്ങള് 11 ശതമാനം വിലക്കുറവില് വനിതാ ഉപഭോക്താക്കള്ക്ക് സപ്ലൈകോ ലഭ്യമാക്കും.വനിതാ നേതൃത്വത്തെ ആദരിക്കുന്നതോടൊപ്പം സ്ത്രീകള് വീടുകളിലും സമൂഹത്തിലും വഹിക്കുന്ന നിർണായക പങ്കിനെയും ഉയർത്തി കാട്ടുകയാണ് പദ്ധതിയുടെ ലക്ഷ്യം.
ശബരി വെളിച്ചെണ്ണ, അപ്പം പൊടി, പുട്ട് പൊടി, ഉപ്പ്, മഞ്ഞള്പ്പൊടി, മുളക് പൊടി, മല്ലിപ്പൊടി, കടുക്, ജീരകം, ശബരി ഗോള്ഡ് ചായപ്പൊടി, ഹോട്ടല് ബ്ലെൻഡ് ചായപ്പൊടി എന്നിവയാണ് 11 ശതമാനം വിലക്കുറവില് വനിതകള്ക്ക് 21 വരെ നല്കുക.
Post a Comment