ബാങ്ക് അക്കൗണ്ട് ലിങ്ക് ചെയ്തിട്ടുള്ള പ്രധാന വ്യക്തിക്ക് (Primary User) മറ്റൊരാളെ (Secondary User) തങ്ങളുടെ യുപിഐ സർക്കിളിൽ ചേർക്കാം. ഇതോടെ അക്കൗണ്ടില്ലാത്ത വ്യക്തിക്കും ഗൂഗിൾ പേ വഴി പണമിടപാടുകൾ നടത്താൻ സാധിക്കും.
പ്രധാന പ്രത്യേകതകൾ:
ചെലവ് പരിധി നിശ്ചയിക്കാം:മാസത്തിൽ പരമാവധി ₹15,000 വരെയാണ് ഇതിലൂടെ ചെലവാക്കാൻ സാധിക്കുക.
നിയന്ത്രണം പൂർണ്ണമായും നിങ്ങളുടെ കൈകളിൽ:ഓരോ പേയ്മെന്റിനും അക്കൗണ്ട് ഉടമയുടെ അനുമതി (Approval) വേണോ വേണ്ടയോ എന്ന് മുൻകൂട്ടി നിശ്ചയിക്കാം.
സുരക്ഷിതമായ നിരീക്ഷണം: ഓരോ ഇടപാട് നടക്കുമ്പോഴും അക്കൗണ്ട് ഉടമയ്ക്ക് ഉടൻ തന്നെ നോട്ടിഫിക്കേഷൻ ലഭിക്കും. ഇത് അനാവശ്യ ചെലവുകൾ ഒഴിവാക്കാൻ സഹായിക്കും.
ലളിതമായ ഉപയോഗം:സ്കൂളിൽ പോകുന്ന കുട്ടികൾക്കോ അല്ലെങ്കിൽ സ്മാർട്ട്ഫോൺ ഉപയോഗിക്കാൻ അറിയാവുന്ന പ്രായമായവർക്കോ ഇത് വലിയ ഉപകാരമാകും.
കുട്ടികൾക്ക് സ്നാക്സിനോ റീചാർജിനോ മറ്റോ പണം നൽകുന്നതിന് പകരം നിശ്ചിത തുക ലിമിറ്റായി വെച്ച് ഈ ഫീച്ചർ ഉപയോഗിക്കാവുന്നതാണ്. ഗൂഗിൾ പേയുടെ പുതിയ അപ്ഡേഷനിൽ ഈ സൗകര്യം ലഭ്യമാണ്.
Post a Comment