ഉദയഗിരി: അസ്ഥികള് പൊടിയുന്ന രോഗം ബാധിച്ച സഹോദരങ്ങള് ഉള്പ്പടെ മൂന്നു കൂട്ടികള് വിദഗ്ധ ചികിത്സയ്ക്കായി കാരുണ്യമതികളുടെ സഹായം തേടുന്നു.മണക്കടവ് വായിക്കമ്ബയിലെ അമ്ബലത്തിങ്കല് സുമേഷ്- സൗമ്യ ദന്പതികളുടെ മക്കളായ ദേവകൃഷ്ണ (13), ഹിമഗൗരി (ഒമ്ബത്), പൊറ്റമല ഹരി പ്രകാശ്- ജയകുമാരി ദന്പതികളുടെ മകൻ ഹരിനന്ദൻ (12) എന്നിവരാണ് ചികിത്സാ സഹായം തേടുന്നത്.സാമ്ബത്തികമായി പിന്നാക്കം നില്ക്കുന്നതാണ് ഇരുകുടുംബങ്ങളും. ശസ്ത്രക്രിയയും തുടർചികിത്സയുമാണ് ഡോക്ടർമാർ നിർദേശിച്ചിരിക്കുന്നത്. 20 ലക്ഷത്തോളം രൂപ ചെലവ് വരും. ഇത്രയും തുക കണ്ടെത്താനുള്ള ഒരു മാർഗവും ഇരുകുടുംബങ്ങള്ക്കുമില്ല. വായാട്ടുപറമ്ബ് സെന്റ് ജോസഫ്സ് സ്കൂളില് എട്ടാം ക്ലാസ് വിദ്യാർഥിയാണ് ദേവകൃഷ്ണ. അരങ്ങം രാമവർമ്മ രാജ വിദ്യാനികേതൻ സ്കൂളില് അഞ്ചാം ക്ലാസ് വിദ്യാർഥിനിയാണ് ഹിമഗൗരി. മണക്കടവ് ശ്രീപുരം ഗവ.സ്കൂളില് എട്ടാം ക്ലാസ് വിദ്യാർഥിയാണ് ഹരിനന്ദ്.
ഉദയഗിരി പഞ്ചായത്ത് പ്രസിഡന്റ് കെ.എസ്. ചന്ദ്രശേഖരൻ ചെയർമാനും കരുവഞ്ചാല് ഹരിത ചാരിറ്റബിള് ട്രസ്റ്റ് ചെയർമാൻ എൻ.യു. അബ്ദുള്ള കോ-ഓർഡിനേറ്ററുമായി ജനകീയ ചികിത്സാ സഹായ കമ്മിറ്റി രൂപീകരിച്ചു. കേരള ഗ്രാമീണ് ബാങ്കിന്റെ മണക്കടവ് ബ്രാഞ്ചില് 4044810 1038 107 നമ്ബറായി അക്കൗണ്ട് ആരംഭിച്ചിട്ടുണ്ട്. ഐഎഫ്എസ്സി കെ.എല്.ജി.ബി 0040448. ഗൂഗിള് പേ 8547247820, 9744972908, 9400820296. ഫോണ്: 9446844877.
Post a Comment