ദില്ലി: ജമ്മു കശ്മീരിലെ ദാര മേഖലയില് ഭീകരവാദികളെ പിടികൂടുന്നതിനായി നടത്തിയ ഓപ്പറേഷൻ മഹാദേവില് മൂന്ന് ഭീകരരെ വധിച്ചെന്ന് സൈന്യം.
കൊല്ലപ്പെട്ടവരില് പഹല്ഗാം ഭീകരാക്രമണത്തിലെ രണ്ട് ഭീകരരും ഉള്പ്പെട്ടിട്ടുണ്ടെന്ന് സൂചന. ഭീകരർക്കായി ശ്രീനഗറിലെ ദാര മേഖലയില് വ്യാപക തെരച്ചില് നടത്തുന്നതിനിടെയാണ് ഏറ്റുമുട്ടലുണ്ടായത്. ഭീകരർക്കെതിരെ സംയുക്ത ഓപ്പറേഷൻ തുടങ്ങിയതായി സേന അറിയിച്ചു. ജമ്മു കശ്മീരിലെ ലിഡ്വാസില് തിങ്കളാഴ്ച തീവ്രവാദികളും സുരക്ഷാ സേനയും തമ്മില് ഏറ്റുമുട്ടല് ഉണ്ടായതായി ചിനാർ പൊലീസ് സോഷ്യല് മീഡിയ ഹാൻഡിലില് അറിയിച്ചു.
ഡച്ചിഗാം ദേശീയോദ്യാനത്തിന് സമീപമുള്ള ഹർവാൻ പ്രദേശത്താണ് ഏറ്റുമുട്ടല് നടന്നതെന്ന് അധികൃതർ വ്യക്തമാക്കി. ഇന്റലിജൻസ് വിവരത്തിന്റെ അടിസ്ഥാനത്തില് സുരക്ഷാ സേന ഹർവാനിലെ മുള്നാർ പ്രദേശത്ത് തീവ്രവാദ വിരുദ്ധ ഓപ്പറേഷൻ ആരംഭിച്ചിരുന്നു. സുരക്ഷാ ഉദ്യോഗസ്ഥർ തിരച്ചില് നടത്തുന്നതിനിടെ ദൂരെ നിന്ന് രണ്ട് റൗണ്ട് വെടിയൊച്ചകള് കേട്ടതായി ഉദ്യോഗസ്ഥർ പറഞ്ഞു.
Post a Comment