ആലപ്പുഴ: അതിശക്തമായ കാറ്റിലും മഴയിലും ആലപ്പുഴ ബീച്ചിലെ ബജിക്കട തകർന്ന് ദേഹത്തേക്കുവീണ് പെണ്കുട്ടിക്ക് ദാരുണാന്ത്യം.പള്ളാത്തുരുത്തി രതിഭവനില് നിത്യ(18)യാണ് മരിച്ചത്. സുഹൃത്തുക്കള്ക്കൊപ്പം ബീച്ചിലെത്തിയതായിരുന്നു പെണ്കുട്ടി.
തിങ്കളാഴ്ച ഉച്ചയ്ക്ക് ആലപ്പുഴ ബീച്ചില് കനത്തമഴയ്ക്കൊപ്പം കാറ്റും വീശിയിരുന്നു. ഈ സമയത്ത്, ബീച്ചില് നില്ക്കുകയായിരുന്ന നിത്യയും സുഹൃത്ത് ആദർശും, ഉടൻ മഴയില്നിന്ന് രക്ഷനേടാനാണ് ഇവർ ബജിക്കടയുടെ അടുത്ത് പോയിനിന്നത്.
എന്നാല് ശക്തമായ കാറ്റില് ബജിക്കട മറിഞ്ഞ് നിത്യയുടെയും ആദർശിന്റെയും ദേഹത്തേക്ക് വീണു. ഓടിയെത്തിയ നാട്ടുകാരാണ് രക്ഷാപ്രവർത്തനം നടത്തിയത്. ഉടൻതന്നെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചുവെങ്കിലും നിത്യയെ രക്ഷിക്കാനായില്ല. ആദർശ് ചികിത്സയില് തുടരുകയാണ്.
Post a Comment